މާލެގެ ބައެއް ސަރަހައްދުތަކުން ކަރަންޓް ކެނޑިއްޖެ
ކަރަންޓް ގޮސްފައި ވަނީ މާފަންނާއި މައްޗަންގޮޅި އަދި ހެންވޭރުގެ ބައެއް ސަރަަހައްދުތަކުން
ކަރަންޓް ކެނޑި އަނދިރީގައި
ވެރިރަށް މާލޭގެ ބައެއް ސަރަހައްދުތަކުން ކަރަންޓް ކެނޑިއްޖެއެވެ.
ކަރަންޓް ގޮސްފައި ވަނީ މާފަންނާއި މައްޗަންގޮޅި އަދި ހެންވޭރުގެ ބައެއް ސަރަަހައްދުތަކުންނެވެ.
ކަރަންޓް ކެނޑިގެން އުޅޭ ސަބަބެއް އެނގިފައިނުވާއިރު، ސްޓެލްކޯގެ މީޑިއާ އޮފިޝަލް އިބްރާހިމް ރައޫފު އަށް ގުޅުމުން ފޯނަށް ޖަވާބު ނުދެއްވާތީ އިތުރު މައުލޫމާތު ވަނީ ސާފުނުވެފައެވެ.
މި ފަހަކަށް އައިސް މާލޭގެ އެކި ހިސާބުތަކުން ކަރަންޓް ކެނޑުމުގެ މައްސަލަ ދިމާވާއިރު، މާލެއަށް ކަރަންޓް ދިނުމަށް ސްޓެލްކޯގެ ޤާބިލިއްޔަތުކަން އިތުރު ނުކުރާތާ ދެ އަހަރު ވެފައިވާ ކަމަށް އެ ކުންފުނީގެ މެނޭޖިންގ ޑައިރެކްޓަރ ހަސަން މުގުނީ ވަނީ ދާދި ފަހުން ވިދާޅުވެފައެވެ.
މާލެއަށް ކަރަންޓް ދިނުމަށް ސްޓެލްކޯ އިން ބޭނުންކުރާ އެންމެ ބޮޑު ޖަނަރޭޓަރު އޯވަރހޯލް ކުރުމުގެ މަސައްކަތް މިހާރު ކުރަމުންދާ ކަމަށާއި، އަދި އެ މަސައްކަތް ކުރަމުންދާއިރު އެހެން ޖަނަރޭޓަރަކަށް ކުޑަ ވެސް މައްސަލައެއް ޖެހިއްޖެ ނަމަ ޚިދުމަތައް ބުރޫ އަރާ ކަމަށް ވެސް އޭނާ ވަނީ ވިދާޅުވެފައެެވެ.
