ހުކުރު 28 ފެބުރުއަރީ 2020
ފުރަބަދުރުވަ 2
1441 ރަޖަބު 05
ފަތިސް 05:05
އިރުއަރާ 06:16
މެންދުރު 12:23
އަސްރު 15:36
މަޣްރިބް 18:21
އިޝާ 19:33
ދުނިޔެ - ކިމް ޖޮންގ ނަމްގެ މަރު

ކިމް ޖޮންގ ނަމްގެ މަރުގެ މައްސަލައިގައި ތުހުމަތު ކުރެވޭ މީހަކު ކޯޓުން މިނިވަންކޮށްފި

  • ކިމް ޖޮންގ ނަމް މަރާލާފައިވަނީ ކުއާލަމްޕޫރުގައި

އަބުދުﷲ މުހައްމަދު
8Abbo

ކ. މާލެ 11 މާރޗް 2019 | ހޯމަ 11:00 2,841

ސިއްތީގެ ވަކީލް ގޫއި ސެންގ ވިދާޅުވީ މިނިވަންވުމުން އޭނާ ހުރީ ވަރަށް އުފަލުން ކަމަށް - އަލްޖަޒީރާ

އުތުރުކޮރެއާގެ ލީޑަރު ކިމް ޖޮންގ އުންގެ އެއްބަފާ ބޭބެ، ކިމް ޖޮންގ ނަމްގެ މަރުގެ މައްސަލައިގައި ދައުވާ ލިބޭ އިންޑޮނީޝިއާގެ އަންހެނެއްގެ މައްޗަށް ކުރެވޭ ދައުވާ ޕްރޮސިކިއުޓަރުން ގެންދިއުމުން އޭނާ މިނިވަންވެއްޖެއެވެ.

އުމުރުން 25 އަހަރުގެ ސިއްތީ އައިޝާ މިނިވަން ކުރިކަން  ހޯމަ ދުވަހު ފަނޑިޔާރު ިއއުލާނު ކުރެއްވުމާއެކު އިންޑޮނީޝިއާގެ ޑިޕްލޮމެޓިކް ވެހިކަލެއްގައި އޭނާ ގެންދާތަން ވަނީ ފެނިފައެވެ. މަރުގެ ދައުވާ އަނބުރާ ގެންދަން ނިންމި ސަބަބެއް ބުނެފައެއް ނުވެއެވެ.

ސިއްތީގެ ވަކީލް ގޫއި ސެންގ ވިދާޅުވީ މިނިވަންވުމުން އޭނާ ހުރީ ވަރަށް އުފަލުން ކަމަށެވެ.

މި މައްސަލައިގައި ދައުވާ ލިބޭ ވިއެޓްނާމްގެ ރައްޔިތެއް ކަމަށްވާ އުމުރުން 28 އަހަރުގެ ޑޮއާން ތީ ހުއޮންގ ގެ މައްޗަށް ހިންގާ ޝަރީއަތަށް ހޯމަ ދުވަހު އޭނާވެސް ވަނީ ކޯޓަށް ހާޒިރު ކޮށްފައެވެ.

ކިމް ޖޮންގ ނަމް މަރާލާފައިވަނީ ޗައިނާގެ ބާރުގެ ދަށުގައި އޮންނަ މަކާއޫ އިން އެނބުރި މެލޭޝިއާ އަށް އައިތަނުން، 2017ވަނަ އަހަރުގެ ފެބްރުއަރީ މަހުގެ 13ވަނަ ދުވަހު، ކުއަލަ ލަމްޕޫރު އިންޓަރނޭޝަނަލް އެއަރޕޯޓުގެ ތެރޭގައެވެ.

މެލޭޝިއާގެ ކަމާއިގުޅޭ އިދާރާތަކުން ވަނީ، ވިހަގަދަ ނާރވް އޭޖެންޓެއް ކަމަށްވާ 'ވީއެކްސް' ކިމް ޖޮންގ ނަމްގެ މޫނުގައި އުނގުޅުމަށް އެ ދެއަންހެނުން ތަމްރީންކޮށްފައިވަނީ އުތުރު ކޮރެއާގެ އޭޖެންޓުން ކަމަށް ތުޙުމަތުކޮށްފަ އެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް