އަނެއްކާވެސް ގައުމީ މެރަތަން ރެކޯޑު ޝިފާޒް މުގުރާލައިފި

ދުބާއީ މެރެތަންގައި ރާއްޖޭގެ ޝިފާޒް މުހައްމަދު 30 އަހަރުން ދަށުގެ ފިރިހެން ކެޓަގަރީން އެއްވަނަ ހޯދައި، ގައުމީ މެރަތަން ރެކޯޑް އާކޮށްފިއެވެ.

މެރަތަން ރެކޯޑު ޝިފާޒް އާކުރީ ދެ ގަޑިއިރު 32 މިނެޓު 56 ސިކުންތުންނެވެ. މިއީ އޭނާގެ ކެރިޔަރުގައި މި ރެކޯޑު މުގުރާލި ހަތަރުވަނަ ފަހަރެވެ.

މިދިޔަ އަހަރު އޮސްޓްރޭލިއާގެ ގޯލްޑްކޯސްޓް މެރަތަންގައި ޝިފާޒް މި ރެކޯޑު މުގުރާލީ ދެ ގަޑިއިރު 35 މިނެޓު 17 ސިކުންތުންނެވެ. އެގޮތުން މިއީ ދެ މިނެޓު 24 ސިކުންތުގެ ކުރިއެރުމެކެވެ.

މީގެއިތުރުން މެދުއިރުމަތީގައި ބާއްވާ އެންމެ ބޮޑު ދުވުމުގެ އިވެންޓުގައި، އުމުރުފުރާގެ ކެޓަގަރީން ޝިފާޒް އެއް ވަނަ ހޯދުމަކީ ބޮޑު ކާމިޔާބީއަކަށްވާއިރު، މި މެރެތަން ރޭހުން ދިޔައީ އޭނާ ދިޔައީ 21 ވަނަ އަށެވެ.

މުގުރާނުލެވި 28 އަހަރު ވޭތުވި މެރެތަން ރެކޯޑް އެންމެ ފުރަތަމަ މުގުރާލީ 2017 ވަނަ އަހަރު އަހުމަދު ޝަރަފެވެ. އެ ރެކޯޑް ޝިފާޒް އެންމެ ފުރަތަމަ މުގުރާލީ އޭނާގެ ކެރިޔަރުގައި ދުވި ފުރަތަމަ މެރެތަނުގައި 2017 ވަނަ އަހަރުގެ ސެޕްޓެމްބަރު މަހު ނޭޕާލްގެ ކަތުމަންޑޫގައި ދުވެގެންނެވެ. ދެ ވަނަ ފަހަރަށް މުގުރާލީ މިދިޔަ އަހަރުގެ ދުބާއީ މެރެތަންގަ އެވެ. ތިން ވަނަ ފަހަރަށް އާކުރީ ޖުލައި މަހު އޮސްޓްރޭލިއާގެ ގޯލްޑްކޯސްޓް މެރެތަންގައި އެވެ.