މާލޭގެ ބޮޑު ސަރަހައްދަކުން ކަރަނަޓް ކެނޑިއްޖެ
19 ޖެނުއަރީ 2019 | ހޮނިހިރު 18:43ހެންވޭރުގެ އިތުރުން މާފަންނުން ވެސް ވަނީ ކަރަންޓު ކެނޑިފައި
ކަރަންޓު ލިބޭނެ ކަމަށް ވަނީ ގަޑި އިރެއް ހާއިރުތެރޭގައި
މާލޭގެ ބޮޑު ސަރަހައްދަކުން ކަރަންޓު ކެނޑިއްޖެއެވެ.
ކަރަންޓް ކެނޑިފައި ވަނީ ހެންވޭރާއި މާފާނުންގެ އިތުރުން ގަލޮޅުންނެވެ. އެ ސަރަހައްދުތަކުން ކަރަންޓު ކެނޑިފައި ވަނީ މިރޭ 11 ޖެހިފަހުންނެވެ.
ސްޓެލްކޯގެ ސްޕްރިންޑެންޓް އިންޖިނިއަރ ވިދާޅުވީ، ކަރަންޓު ކެނޑެން މެދުވެރިވީ ޓެކްނިކަލް މައްސަލައެއް ޖެހިގެން ކަމަށެވެ. އެ މައްސަލަ ހައްލުކުރުމަށް މަސައްކަތް ކުރަމުންދާ ކަމަށާއި ގަޑި އެއްހާ އިރު ތެރޭ ކަރަންޓު އަނބުރާ ލިބޭނެ ކަމަށް އޭނާ ވިދާޅުވިއެވެ.
މާލެއިން ކަރަންޓް ކެނޑުމުގެ މައްސަލަ ބޮޑުވެފައިވާއިރު، މާލެއަށް ކަރަންޓު ދިނުމަށް ސްޓެލްކޯގެ ޤާބިލިއްޔަތުކަން އިތުރު ނުކުރާތާ ދެ އަހަރު ވެފައިވާ ކަމަށް އެ ކުންފުނިން ދާދިފަހުން ވަނީ ބުނެފައެވެ.
މާލެއިން އާންމު ގޮތެއްގައި ކަރަންޓު ކެނޑޭ މަސައްލައަށް އަލިއަޅުއްވާ ލައްވައި ސްޓެލެކޯގެ ނޭޖިންގ ޑައިރެކްޓަރ ހަސަން މުގުނީ "ރާއްޖެޓީވީ"ގައި ވިދާޅުވީ، މާލެއަށް ކަރަންޓު ދިނުމަށް ސްޓެލްކޯއިން ބޭނުންކުރާ އެންމެ ބޮޑު ޖަނަރޭޓަރު އޯވަރހޯލް ކުރުމުގެ މަސައްކަތް ކުރަމުންދާ ކަމަށެވެ. އަދި އެ މަސައްކަތް ކުރަމުންދާއިރު އެހެން ޖަނަރޭޓަރަކަށް ކުޑަ ވެސް މައްސަލައެއް ޖެހިއްޖެ ނަމަ ޚިދުމަތަށް ބުރޫ އަރާ ކަމަށް މުގުނީ ވިދާޅުވިއެވެ.
