ސޯޝަލް މީޑީއާގައި އިންޒާރު ދޭ މައްސަލަ ފުލުހުން ބަލަނީ
8 ޖެނުއަރީ 2019 | އަންގާރަ 02:14ވަކި ވަކި ފަރުދުންނަށް ބިރުދައްކާ އިންޒާރު ދިނުން ހުއްޓަންޖެހޭ
ފުލުހުންގެ މައި އިދާރާ
ވަކި ފަރާތަކަށް އިންޒާރު ދޭ ގޮތަށް ޓްވިޓަރ އާއި ފޭސްބުކް ފަދަ ސޯޝަލް މީޑިއާގެ ޕްލެޓްފޯމްތަކުގައި ލިޔެފައި ހުންނަ ލިޔުންތައް މޯލްޑިވްސް ޕޮލިސް ސަރވިސް އިން ތަހުގީގު ކުރަން ފަށައިފިއެވެ.
މޯލްޑިވްސް ޕޮލިސް ސަރވިސް އިން ހޯމަ ދުވަހު ކޮށްފައިވާ ޓްވީޓެއްގައި ބުނެފައިވަނީ ސޯޝަލް މީޑިއާގައި ދައުރުވަމުންދާ ނަފްރަތާއި އިންޒާރުގެ މެސެޖްތައް ވަނީ އެ ސަރވިސް ސަމާލުކަމަށް އައިސްފައިކަމަށެވެ. މިފަދަ މައްސަލަ ތަހުގީގު ކުރެވެމުންދާ ދަނޑިވަޅެއްގައި، އިޙްތިރާމް ގެއްލޭފަދަ ބޭއަދަބީ ވާހަކަ ނުދެއްކުމާއި، އަދި ޚާއްސަކޮށް ވަކި ވަކި ފަރުދުންނަށް ބިރުދައްކައި އިންޒާރު ދިނުމުން ހުއްޓާލުމަށް މޯލްޑިވްސް ޕޮލިސް ސަރވިސް އިން ވަނީ އިލްތިމާސް ކޮށްފައެވެ.
ހިޔާލުތަފާތުވުންތައް ގިނަ ވުމުގެ ސަބަބުން ސޯޝަލް މީޑިިއާގައި ކާކުކަން ނޭނގޭ ގޮތަށް ހަދާފައިވާ އެކައުންޓުތަކުން މަރުގެ އިންޒާރުތައް ވެސް ދީފައިވެ އެވެ.
