ފިލްމަކަށް ސޮއިކުރުމުގެ ކުރިން ބަލަނީ ސްކިރިޕްޓަށް:އާމިރު
25 ޑިސެމްބަރު 2018 | އަންގާރަ 07:18ސްކްރިޕްޓް ރަނގަޅު ވެއްޖެއްޔާ ފިލްމު ރަނގަޅު ވާނެ
އާމިރް ހާން
ފިލްމެއްގައި ސޮއި ކުރުމުގެ ކުރިން ބަލަނީ އެ ފިލްމުގެ ސްކިރިޕްޓަށް ކަމަށް އާމިރު ޚާން ބުނެފިއެވެ.
މިސްޓަރ ޕާފެކްޝަނިސްޓްގެ ނަމުން މަޝްހޫރުވެފައިވާ އާމިރު ޚާންއަކީ އަބަދުވެސް އޭނާގެ ފިލްމުތަކުގައި ތަފާތު ދައްކަމުން އަންނަ މީހެކެވެ.
އިންޑިއާގެ ނޫހަކަށް ދިން އިންޓަވިއުއެއްގައި އާމިރު ބުނީ، ފިލްމު ސްކްރިޕްޓް ލިޔާ މީހަކީ އެންމެ މުހިއްމު މީހަ ކަމަށެވެ. އެގޮތުން އޭނާ އަށް ފިލްމެއް ލިބުމުން އެންމެ ބޮޑަށް ބަލަނީ ސްކްރިޕްޓަށް ކަމަށާއި ސްކްރިޕްޓް ރަނގަޅު ވެއްޖެއްޔާ ފިލްމު ރަނގަޅު ވާނެ ކަމަށް އާމިރު ބުންޏެވެ.
މިހާރު ސިނިސްޓާން އިންޑިއާސް ސްޓޯރީ ޓެލާސް ސްކްރިޕްޓް ކޮންޓެސްޓު ޖަޖް ކުރަމުންދާ އާމިރް ހާން އެންމެ ފަހުން ކުޅެފައިވަނީ ''ތަގްސް އޮފް ހިންދުސްތާން''އެވެ.
އާމިރް ޚާންގެ އިތުރުން އަމީތާބް ބައްޗަން ވެސް ހަރަކާތްތެރިވެފައިވާ މި ފިލްމު ބެލުންތެރިންނަށް ކަމުގޮސްފައި ނުވާތީ އާމިރް ވަނީ އޭނާގެ ސަޕޯޓަރުންގެ ގާތުން މާފަށް އެދިފައެވެ.
ކެޓްރީނާ ކައިފްގެ އިތުރުން ދަންގަލް ގައި އާމިރް ހާންގެ ދަރިފުޅުގެ ރޯލް ކުޅެފައިވާ ސަނާ ވެސް ފެނިގެން ދިޔަ މި ފިލްމު އުފައްދާފައިވަނީ 335 ކުރޯޑު ރުޕީސްގެ ބަޖެޓަކުންނެވެ.
