ޒީރޯގައި އަނުޝްކާ ކުޅެފައިވާ ރޯލަށް ވިރާޓްގެ ތައުރީފް!

މިދިޔަ ހުކުރު ދުވަހު ރިލީޒް ކުރި ފިލްމް "ޒީރޯ" ގައި އަނުޝްކާ ޝަރްމާ އަދާކޮށްފައިވާ ރޯލަށް އޭނާގެ ފިރިމީހާ ވިރާޓް ކޯލީ ތައުރީފް ކޮށްފިއެވެ.

ކްރިކެޓް ޓުއަރ އެއްގައި މިވަގުތު އޮސްޓްރޭލިއާގައި ހުރި ވިރާޓް މި ފިލްމް ބެލުމަށް ފަހު އަނުޝްކާއަށް ތައުރީފްކޮށް ކޮށްފައިވާ ޓްވީޓްގައި ވަނީ އޭނާ އެފިލްމް ބެލިކަމަށާއި ފިލްމް ވަރަށް ކަމުދާކަމަށެވެ. އަދި އެފިލްމުގައި ކޮންމެ މީހަކުވެސް އެމީހެއްގެ ރޯލް އަދާކޮށްފައިވަނީ ވަރަށް ފުރިހަމައަށް ކަމަށް ވިރާޓް ވަނީ ބުނެފައެވެ. އެ ފިލްމްގައި އަނުޝްކާ އަދާކޮށްފައިވާ ރޯލަކީ ވަރަށް ޗެލެންޖިން ރޯލެއް ކަމަށާއި އެ ރޯލް އަދާކޮށްފައިވަނީ ވަރަށް މޮޅަށް ކަމަށް ވިރާޓް ވަނީ ބުނެފައެވެ.

"ޒީރޯ" ގައި އަނުޝްކާ ފެނިގެން ދަނީ ނުކުޅެދުންތެރިކަން ހުންނަ ސައިންޓިސްޓެއްގެ ރޯލުންނެވެ. އަނުޝްކާގެ އިތުރުން ދެން ފިލްމުން ފެނިގެން ދަނީ ޝާހުރުކް ޚާން އާއި ކެޓްރީނާ ކެއިފް އެވެ.

ޝާހުރުކް ޚާން މި ފިލްމްގައި ފެނިގެން ދަނީ އާދަޔާ ޚިލާފަށް ކުރުމީހެއްގެ ރޯލުންނެވެ. އަދި ކެޓްރީނާ އަދާކޮށްފައިވަނީ ބޮލީވުޑް ސުޕަރ ސްޓާރއެއްގެ ރޯލުންނެވެ.

އަނުޝްކާ އެންމެ ފަހުން ފެނިގެން ގޮސްފައިވަނީ ވަރުން ދަވަން އާއި އެކު "ސުއި ދާގާ" އިންނެވެ.