ގޫގްލް އިން މި އަހަރު އެންމެ ގިނައިން ސާޗް ކޮށްފައިވާ ކައިވެނި ހަފްލާތަކުގެ މައުލޫމާތު ހާމަކޮށްފި
ލިސްޓުގެ އެއްވަނަ މަގާމުގައި އޮތީ އިނގިރޭސިވިލާތުގެ ޕްރިންސް ހެރީ އާއި ހޮލީވުޑްގެ ތަރި މޭގަން މާކެލްގެ ކައިވެނި
ޕްރިންސް ހެރީ އާއި މޭގަން މާކެލްގެ ކައިވެނި ހަފްލާގެ ތެރެއިން
މި އަހަރު ގޫގްލް ބޭނުންކުރާ ފަރާތްތަކުން އެއްމެ ގިނައިން ސާޗްކޮށްފައިވާ ކައިވެނިތަކުގެ މައުލޫމާތު އެ ކުންފުނިން ހާމަކޮށްފިއެވެ.
ގިނަ އަދަދެއްގެ މަޝްހޫރު ފަރާތްތަކެއް މި އަހަރުގެ ތެރޭގައި ކައިވެނި ކޮށްފައިވާ އިރު، މި ލިސްޓުގެ އެއްވަނަ މަގާމުގައި އޮތީ އިނގިރޭސިވިލާތުގެ ޕްރިންސް ހެރީ އާއި ހޮލީވުޑްގެ ތަރި މޭގަން މާކެލްގެ ކައިވެންޏެވެ. މި އަހަރުގެ މޭ މަހު ހެރީ އާއި މޭގަން ކައިވެނި ކުރީ މަޝްހޫރު ވިންޑްސަރ ކާސަލްގައެވެ.
މި ލިސްޓުގެ ދެވަނަ ލިބިފައި ވަނީ މަޝްހޫރު ލަވަކިޔުންތެރިޔާ ނިކް ޖޯނަސް އަދި ބޮލީވުޑާއި ހޮލީވުޑްގެ މަޝްހޫރު ތަރި ޕްރިޔަންކާ ޗޯޕްޅާގެ ކައިވެންޏަށެވެ. މިއީ ހޮލީވުޑާއި ބޮލީވުޑްގެ މިހާ މަޝްހޫރު ދެ ތަރިން ކައިވެނި ކުރި ފުރަތަމަ ފަހަރެވެ. އިންޑިއާގެ ޖޯދްޕޫރުގައި ބޭއްވި މި ކައިވެނި ހަފްލާއަށް ގިނަ އަދަދެއްގެ ތަރިން ވަނީ ހާޒިރުވެފައެވެ.
މީގެ އިތުރުން ދީޕިކާ ޕަދުކޯން އާއި ރަންބީރް ސިންގްގެ ކައިވެންޏާއި، "ގޭމް އޮފް ތްރޯންސް"ގެ ކިޓް ހެރިންގްޓަން އާއި ރޯސް ލެސްލީގެ ކައިވެނި ވެސް މި ލިސްޓުގައި ވަނީ ހިމެނިފައެވެ.
ގޫގްލްއިން ކޮންމެ އަހަރެއް ވެސް ނިމުމުގެ ކުރިން އެ އަހަރު އެންމެ ގިނަ އިން ސަރޗް ކުރެވުނު ތަފާތު އެކި އެކި އެއްޗެހީގެ ލިސްޓް ތައްޔާރުކުރެއެވެ.
