ޕެންޝަން ފައިސާއިން ހައްޖަށް ދެވޭ އިސްލާހު ކޮމެޓީން ފާސްކޮށްފި
15 ޑިސެމްބަރު 2018 | ހޮނިހިރު 16:04ކޮމެޓީން އެއްވެސް އިސްލާހެއް ގެނެސްފައެއް ނުވޭ
ހައްޖުވެރިންތަކެއް: ކޮމެޓީން އިސްލާހު ފާސްކުރީ އަގުލަބިއްޔަތުން
ޕެންޝަން ފަންޑުގެ ފައިސާ އިން ހައްޖަށް ދެވޭ ގޮތަށް ޕެންޝަނާ ބެހޭ ގާނޫނަށް ސަރުކާރުން ހުށަހެޅި އިސްލާހު މަޖިލީހުގެ އިޖުތިމާއީ ކޮމެޓީން ފާސްކޮށް، ތަޅުމަށް ފޮނުވައިފިއެވެ.
ސަރުކާރުގެ ފަރާތުން އެމްޑީޕީ ޕާލަމެންޓްރީ ގްރޫޕުގެ ލީޑަރު މުހައްމަދު އަސްލަމް ހުށަހެޅުއްވި ބިލު ކޮމެޓީން ދިރާސާކޮށް މަޖިލީހުގެ ތަޅުމަށް ފޮނުވާފައި ވަނީ އެއްވެސް އިސްލާހަކާ ނުލައެވެ. އިޖުތިމާއީ ކޮމެޓީން މަޖިލީހުގެ ތަޅުމަށް ހުށަހެޅި ބިލު ފާސްކުރުމަށް ހޮނިހިރު ދުވަހު ބާއްވާ ޖަލްސާއަށް ވަނީ އެޖެންޑާކޮށްފައެވެ.
ހިތަދޫ އުތުރު ދާއިރާގެ މެމްބަރުކަން ވެސް ކުރައްވާ އަސްލަމް ޕެންޝަނާ ބެހޭ ގާނުނަށް ހުށަހެޅުއްވި އިސްލާހުގައި ބުނެފައި ވަނީ ހައްޖުގެ އަޅުކަން އަދާކުރުމަށް ރިޓަޔަމަންޓް ސޭވިން އެކައުންޓުން ދޫކުރެވޭނީ އެ އަހަރަކު ހައްޖަށް ދިއުމަށް ދައްކަންޖެހޭ ރަސްމީ އަގުގެ ގޮތުގައި ސަރުކާރުން ކަނޑައަޅާ އަދަދަށްވާ ފައިސާގެ 50 ޕަސެންޓް ކަމަށެވެ.
ޕެންޝަނާ ބެހޭ ގާނޫނަށް ހުށަހަޅާފައިވާ އިސްލާހުގައި އިސް ރަށްވެހިންނަށް ދޭ އިނާޔަތަކީ 5000 ރުފިޔާ ކަމުގައި ގާނޫނުގައި ކަނޑައެޅުމަށް ހުށަހަޅާފައިވެއެވެ. ގާނޫނުގައި މިހާރު ބުނެފައި ވަނީ އިސް ރަށްވެހިންނަށް ދެވޭނީ 2000 ރުފިޔާ ކަމަށެވެ. ނަމަވެސް ގާނޫނަށް ބަދަލު ނު ގެނެސް، 5000 ރުފިޔާގެ އިނާޔަތް ދައުލަތުން ދަނީ އިސް ރަށްވެހިންނަށް ދެމުންނެވެ.
ޕެންޝަން ފަންޑުން ހައްޖަށް ދެވޭ ގޮތަށް ޕެންޝަނާއި ބެހޭ ގާނޫނު ބަދަލުކުރުމަކީ ރައީސް އިބްރާހިމް މުހައްމަދު ސޯލިހުގެ ސަރުކާރުގެ 100 ދުވަހުގެ ވައުދުގެ ތެރޭގައި ހިމެނޭ ކަމެކެއެވެ.
