ގޮވާތަކެތި ފޮނުވި ކަމަށް ތުހުމަތު ކުރެވޭ މީހާގެ މައްޗަށް ދައުވާ އުފުލައިފި

އެމެރިކާގެ ޑިމޮކްރެޓިކް ޕާޓީގެ އިސް ބައެއް ފަރާތްތަކަށާއި، ކުރީގެ ސަރުކާރުގެ އިސް ބައެއް އޮފިޝަލުންނާއި، ރައީސް ޑޮނަލްޑް ޓްރަމްޕްއަށް ފާޑުވިދާޅުވާ އިސް ބައެއް ފަރާތްތަކަށް ގޮވާތަކެތި ކަމަށް ބެލެވޭ އެއްޗެތި ފޮނުވި ކަމަށް ތުހުމަތުކުރެވޭ މީހަކު ފެޑެރަލް އިދާރާތަކުން ހައްޔަރުކޮށްފިއެވެ.

އެފްބީއައިގެ ޑިރެކްޓަރ ކްރިސްޓޮފަރ ރޭ، ހުުކުރު ދުވަހު ރިޕޯޓަރުންނަށް ވިދާޅުވީ ސީޒަރ ސެޔަކް ހައްޔަރުކުރީ ބިމުގެ ތުހުމަތުގެ ތަހުގީގަށް ކަމަށެވެ.

ރޭ ވިދާޅުވީ ޑިމޮކްރެޓިކް ޕާޓީއަށް ނިސްބަތްވެވަޑައިގަންނަވާ ކޮންގްރެސްގެ ކަނބަލެއް ކަމަށްވާ މެކްސިން ވޯޓަރސްއަށް ފޮނުވުމަށް ބަންދުކޮށްފައި އޮތް ޕާރުސަލުން ސެޔަކްގެ ފިންގަރޕްރިންޓްސް ފެނިފައިވާ ކަމަށެވެ.

އެޓަރނީ ޖެނެރަލް ޖެފް ސެޝަން ވިދާޅުވީ ސެޔަކްގެ މައްޗަށް ފަސް ދައުވާއެއް ކޮށްފައިވާއިރު އޭގެ ތެރޭގައި ކުރީގެ ރައީސަކަށް ބިރުދެއްކުމާއި، ގާނޫނާ ޚިލާފަށް ގޮވާތަކެތި މެއިލްކުރުން ހިމެނެއެވެ. ސެޔަކްގެ މައްޗަށް މި ދައުވާތައް ސާބިތުވެއްޖެ ނަމަ 58 އަހަރުގެ ޖަލުހުކުމަތަކެއް ކުރިމަތިވާނެއެވެ.

އޭނާގެ މައްޗަށް ދައުވާ ކުރިކަމުގެ ޚަބަރު އައިސްފައިވަނީ އެކި ފަރާތްތަކަށް ފޮނުވުމަށް ތައްޔާރުކޮށްފައިވާ ތުހުމަތުކުރެވޭ ފަދަ އިތުރު ޕާރުސަލްތައް ފެނިފައިވާކަމަށް ހުކުރު ދުވަހު ހާމަކޮށްފައިވަނިކޮށެވެ. އެއާއެކު ގޮވާތަކެއްޗާ އެކު އަތުލައިގަނެވުނު ޕާރުސަލްތަކުގެ އަދަދު 13 އަށް އަރައެވެ.

ހުކުރު ދުވަހު އިތުރު ޕާރުސަލްތައް ފެނިފައި ވަނީ ސެނޭޓަރ އެމެރިކާގެ ގާނޫހަދާމަޖިލީހުގެ މެމްބަރު ކޮރީ ބުކަރ އާއި އެމެރިކާގެ ނޭޝަނަލް އިންޓެލިޖެންސްގެ ކުރީގެ ޑިރެކްޓަރ ޖޭމްސް ކްލެޕަރއަށް ފޮނުވާފައި ވަނިކޮށެވެ.

"ވަރަށް ސާފު، މިއީ އެތެރޭގެ ޓެރެރިޒަމް، އެއްވެސް މީހެއްގެ ވިސްނުމުގެ އެކަމަކާ ސުވާލެއް ނު އުފެދޭނެ" ކްލެޕަރ ސީއެންއެންގައި ވިދާޅުވިއެވެ. "މިކަމަކުން ސަރުކާރަށް ފާޑުކިޔާ ފަރާތްތަކެއް ނުހުއްޓުވޭނެ"

ސެޔަކް ހައްޔަރުކުރެވުނުއިރު ފުލުހުންގެ ބެލުމުގެ ދަަށަށް ގެންދިޔަ ވޭނެއްގައި ރައީސް ޓްރަމްޕް އަށް ތާއީދުކޮށް ސްޓިކާތައް ތަތްކޮށްފައިވާއިރު ސީއެންއެން ފަދަ ތަންތަނަށް ހުތުރު ބަސްތައް ބޭނުންކޮށް މަންޒަރުތައް ހުއްޓެވެ. އަދި ޑިމޮކްރެޓިކް ޕާޓީގެ އިސް ބައެއް ބޭފުޅުންގެ ފޮޓޯޖަހައި ފޮޓޯގައި ރަތްކުލައިން ރަސްގެ ލާފައިވެއެވެ.

އެ ވޭނަކީ ސެޔަކް އާ ގުޅުމެއްވާ ވޭނެއްކަމަކަށް އިދާރާތކުން ކަށަވަރެއް ނުކޮށްދެއެވެ. ސެޔަކްއަކީ ކުށުގެ ރެކޯޑްގެ ދިގު މާޒީއެއް އޮތް މީހެކެވެ.

ރައީސް ޓްރަމްޕް ހުކުރު ދުވަހު ވިދާޅުވީ ތުހުމަތު ކުރެެވޭ އެއް ފަރާތަކީ އެ މަނިކުުފާނުގެ ސަޕޯޓަރެއްކަމަށާއި ނަމަވެސް ތުހުމަތު ކުރެވޭ މިހާކުރި އެއްވެސްކަމެއްގެ ޒިންމާ އެމަނިކުފާނު އުފުއްލަވަން ޖެހިވަޑައިނުގަންނަވާ ކަމަށެވެ.