މީޑިއާނެޓްގެ ބޮޑު ޗުއްޓީ ޕްރޮމޯޝަން ފަށައިފި
ޕްރޮމޯޝަން ކުރިއަށްދާނީ ޑިސެމްބަރު 1 ވަނަ ދުވަހާ ހަމައަށް
M580 އެޗްޑީ ސެޓްޓޮޕް ބޮކްސް ލޯންޗުކުރުމަށް ބޭއްވި ރަސްމިއްޔާތުގެ ތެރެއިން
މީޑިއާނެޓްގެ ބޮޑު ޗުއްޓީ ޕްރޮމޯޝަން ފަށައިފިއެވެ.
މި ޕްރޮމޯޝަން އޮކްޓޯބަރު 17 ވަނަ ދުވަހު ފަށާފައިވާއިރު ޕްރޮމޯޝަން ކުރިއަށްދާނީ ޑިސެމްބަރު 1 ވަނަ ދުވަހާ ހަމައަށެވެ.
މީޑިއާނެޓުން ބުނީ ޕްރޮމޯޝަންގެ މުއްދަތުގައި ކަސްޓަމަރުން ނަގާފައިވާ ޕެކޭޖުގެ މަހު ފީ ދައްކާއިރު އެއްފަހަރާ ދެ މަހުގެ ފީ ދެއްކުމުން ޕެކޭޖް އަޕްގްރޭޑް ވެގެންދާނެ ކަމަށެވެ. މިސާލަކަށް ލޯކަލް ޕެކޭޖް ނަގާފައިވާ ކަސްޓަމަރަކު އެއްފަހަރާ ދެ މަހުގެ ފީ ދެއްކުމުން ކުރިއަތް އޮތް ދެ މަހު އެ ކަސްޓަމަރުގެ ޕެކޭޖް ބޭސިކް ޕެކޭޖަށް އަޕްގްރޭޑް ވެގެންދާނެއެވެ.
މީޑިއާނެޓުން އިތުރަށް ބުނީ ޕްރޮމޯޝަންގެ ދަށުން ފުލް ޕެކޭޖު ނަގާފައިވާ ކަސްޓަމަރުންގެ މެދުގައި ކޮންމެ ހަފްތާއަކު ގުރުއަތުލުމެއް ކުރިއަށްދާނެ ކަމަށެވެ. އަދި އެ ގުރުއަތުލުމުގެ ދަށުން ހޮވޭ ފަރާތަކަށް ކޮންމެ ހަފްތާއަކު M580 ގެ ޑީކޯޑަރެއް ލިބިގެންދާނެ ކަމަށެވެ.
މި ޕްރޮމޯޝަންގައި ބައިވެރިވެވޭނީ ހަމައެކަނި މީޑިއާނެޓްގެ ސޭލްސް ސެންޓަރަށާއި ޑީވާ ޝޮޕްތައް މެދުވެރިކޮށް މަހު ފީ ދައްކާ ކަސްޓަމަރުންނަށެވެ.
މީޑިއާނެޓް އިން ވަނީ މީގެ ހަތަރު މަސް ކުރިން M580 އަލްޓްރާ އެޗްޑީ ސެޓްޓޮޕް ބޮކްސްއަށް ތައާރަފު ކޮށްފައެވެ. އަދި ކަސްޓަމަރުންގެ ފަރާތުން ވަނީ M580 އަށް ބޮޑު ތަރުހީބެއް ލިބިފައެވެ.
