ހައުސިންގ މިނިސްޓްރީގެ ޑެޕިއުޓީ މިނިސްޓަރ ޒިޔާދު ކޯލިޝަނާއި ގުޅިވަޑައިގެންފި
ޒިޔާދު މިވަގުތުވެސް އިންނެވީ އައްޑޫ ކޯލިޝަން ޖަލްސާގައި
ޒިޔާދު ކޯލިޝަން އައްޑޫ ޖަލްސާގައި | ރާއްޖެއެމްވީ
ހައުސިންގ މިނިސްޓްރީގެ ޑެޕިއުޓީ މިނިސްޓަރު އަބްދުﷲ ޒިޔާދު އިދިކޮޅު ކޯލިޝަނާއި ގުޅިވަޑައިގެންފިއެވެ.
ހިތަދޫ ބަނދަރު ސަރަހައްދުގައި މިވަގުތު ކުރިއަށްދާ އިދިކޮޅު ކޯލިޝަނުގެ ޖަލްސާގައި ޒިޔާދު ދަނީ ބައިވެރިވެވަޑައިގަންނަވަމުންނެވެ.
ސަރުކާރުގެ ކޯލިޝަން ޕާޓްނަރ އެމްޑީއޭގެ ކައުންސިލް މެންބަރު ޒިޔާދު އިދިކޮޅު ފަރާތްތަކާއި ގުޅިވަޑައިގެންނެވުމާއި ބެހޭ ގޮތުން މީޑިޔާގައި އަދި ވަކި އެއްޗެއް ހާމަކުރައްވާފައެއް ނުވެއެވެ.
އެމްޑީއޭގެ ކުރީގެ ލީޑަރު އަދި ސަން ޓްރެވަލްސްގެ ވެރިޔާ އަހުމަދު ސިޔާމް މުހައްމަދު ވަނީ އެޕާޓީ ހިންގެވުމާއި ދުރަށް ޖެހިވަޑައިގެން، ޕާާޓީގެ ހިންގުން ކެނދިކުޅުދޫ ދާއިރާގެ މެންބަރު އަލީ މައުރޫފާއި ވަނީ ހަވާލުކުރައްވާފައެވެ. އަދި މިއަހަރުގެ އިންތިޚާބުގެ ކެމްޕެއިންގައި އެބޭފުޅަކު ބޭނުންފުޅުވާ ކޮޅަކަށް ހުންނެވުމަށް ޕާޓީގެ އިސްބޭފުޅުންނަށް އަންގާފައިވާކަމަށް މައުލޫމާތު ލިބިފައިވެއެވެ.
އެމްޑީއޭގައި ތިއްބެވި ބައެއް އިސް ފަރާތްތަކުން އިދިކޮޅު ކޯލިޝަނާއި މިހާރު ދަނީ ގުޅިވަޑައިގަންނަވަމުންނެވެ.
