ގދ. ތިނަދޫ ފެނަކަ ބްރާންޗްގައި މަސައްކަތް ކުރާ 17 މުއައްޒަފުން ކޯލިޝަނަށް ތާއީދުކޮށް ފާޅުގައި ނުކުމެއްޖެއެވެ.
އެ މުއައްޒަފުން ކޯލިޝަނަށް ތާއީދުކޮށް ސޯޝަލް މީޑިއާގައި ޝެއާ ކޮށްފައިވާ ފޮޓޯގައި ބުނެފައިވަނީ "ބިރު ދައްކައިގެން ފަހަތަށް ނުޖެއްސޭނެ" ކަމަށެވެ. މައުލޫމާތު ލިބިފައިވާ ގޮތުގައި އެމީހުން ކޯލިޝަނަށް ތާއީދު ކުރާތާ ދުވަސްތަކެއް ވެއްޖެއެެވެ. އެހެންނަމަވެސް ފާޅުގައި މަސައްކަތް ކުރުމަށް ނިންމީ ބުރާސްފަތި ދުވަހު ކަން ވަނީ އެނގިފައެވެ. އަދި މީގެ ތެރެއިން ބައެއް މުއައްޒަފުންނަކީ، ކޯލިޝަންގެ ބައެއް ޖަލްސާތަކުގައި ބައިވެރިވެގެން ވަޒީފާއިން ވަކިކުރުމާއި ދިރިއުޅޭ ރަށްނޫން އެހެން ރަށްރަށަށް ވަޒީފާބަދަލުކޮށްފައިވާ މުއައްޒަފުންނެވެ.
ތިނަދޫ ދާއިރާގެ ކުރީގެ މެމްބަރު މުހައްމަދު ގަސަމް ރާއްޖެއެމްވީއަށް ވިދާޅުވީ، މިއަދު ތިނަދޫންނައި ރާއްޖޭގެ އެކި އެކި ކަންކޮޅުތަކުން ފެނިގެން އެ ދަނީ ސަރުކާރުން ރައްޔިތުން ފިއްތާ ދައްކާ ބިރުގެ ނަތީޖާ ކަމަށެވެ. އަދި ކުރިއަށް އޮތްތަނުގައި އެ ބިރު ފަހަނަ އަޅާގޮސް ކޯލިޝަނާއި ގުޅޭ ސަރުކާރު މުއައްޒަފުންނާއި ކުންފުނި ތަކުން މުއައްޒަފުން ފަތުއަޑު ކިޔާފައި ކޯލިޝަނާއި ގުޅޭ މަންޒަރު ފެނިގެންދާނެކަމަށެވެ. އަދި ތިނަދޫއިންވެސް އަދިވެސް އެތަށް މުއައްޒަފުން ކޯލިޝަނާއި ގުޅޭ މަންޒަރު ކުރިއަށް އޮތްތަނުގައިވެސް ފެނިގެންދާނެކަމަށް އޭނާ ވިދާޅުވިއެވެ.
އަންގާރަ ދުވަހުވެސް ވަނީ މާލޭގެ އިސްކަންދަރު ސްކޫލްގެ ވިއްސަށްވުރެ ގިނަ ޓީޗަރުން ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިޙް (އިބޫ) އާއި ބައްދަލުކޮށް، އެމަނިކުފާނަށް ތާޢީދުކުރާކަން ހާމަކޮށްފައެވެ.
