އެމެރިކާ އިގްތިސޯދު ފުނޑުފުނޑުކޮށްލުމަށް އީރާނުގެ ކުރީގެ ރައީސް ގޮވާލައްވައިފި

އެމެރިކާގެ އިގްތިސޯދީ ކުރިއެރުމުގެ މައި އެއް ތަބަކީ ޑޮލަރު ކޮންޓްރޯލް ކުރުން ކަމަށާއި އެކަން ބަދަލު ކުރުމުގެ ވަގުތު އައިސް ޖެހިއްޖެ ކަމަށް އީރާނުގައި ދެ ދައުރަށް ރައީސްކަން ކުރެއްވި މަހުމޫދު އަހުމަދީނީޖާދު ވިދާޅުވެއްޖެއެވެ.

"ބަދަލު ގެންނަން ވީ ވަގުތު އައިސް ޖެހިއްޖެ. މިހާރުގެ ހާލަތު ބަދަލު ކުރަން އެބަ ޖެހޭ," އިސްލާމިކް ޕާޓީގެ ކުރީގެ ލީޑަރު ހޯމަ ދުވަހު ކުރެއްވި ޓްވީޓްގައި ވިދާޅުވިއެވެ. އޭނާ ޓްވީޓްކުރެއްވީ އެމެރިކާ އިން އީރާނާ ދެކޮޅަށް އަޅަން ނިންމި ދަތިކުރުމުގެ ފިޔަވަޅުތައް ތަންފީޒް ކުރުމުގެ ގަޑިއިރުތަކެއް ކުރިންނެވެ.

އީރާނާ ދެކޮޅަށް އަޅަން ނިންމި ފުރަތަމަ ފިޔަވަހީގެ ފިޔަވަޅުތައް ހޯމަ ދުވަހުގެ ރޭ ދަންވަރު ބާރައިން ފެށިގެން ވަނީ ތަންފީޒު ކޮށްފައެވެ. ދަތި ކުރުމުގެ ފިޔަވަޅު އެޅީ އެމެރިކާގެ ޑޮލަރާއި، ކާރާއި، ކާޕެޓާއި އަދި އެކި ކަހަލަ މައުދަންތައް އީރާނަށް ފޯރުކޮށްދީ ވިޔަފާރީގެ ގުޅުން ހިންގުމަށެވެ. އަދި ނުވެމްބަރުގައި އަޅަން ނިންމާފައިވާ އެންމެ ފަހުގެ އަދި ދެވަނަ ފިޔަވެހީގެ ދަތިކުރުމުގެ ފިޔަވަޅުތަކުގައި އީރާނާ މެދު ކުރާ ތެލުގެ ވިޔަފާރި އެމެރިކާ އިން ހުއްޓާލުން ހިމެނެއެވެ. އީރާނަށް އެންމެ ބޮޑު އާމްދަނީއެއް ލިބެނީ އެ ގައުމުން ބޭރުކުރާ ތެލުން ކަމަށް މީޑިއާ ރިޕޯޓްތައް ބުނެއެވެ.

ޓްރަމްޕް ވަނީ އީރާނާ އެކު ވިޔަފާރީގެ ގުޅުން ދަމަހައްޓާ ފަރާތްތަކަށް ވެސް ބަހުގެ ހަމަލާ ދެއްވާފައެވެ. ޓްރަމްޕް ވިދާޅުވީ އީރާނާ އެކު ވިޔަފާރީގެ މުއާމަލާ ކުރާ އެއްވެސް ފަރާތަކަށް އެމެރިކާއާ އެކު މުއާމަލާތެއް ނުކުރެވޭނޭ ކަމަށެވެ.