އިރުމަތީ ޖަޕާނަށް ހަ މެގްނިޓިއުޑްގެ ބިންހެލުމެއް އަތުވެއްޖެ

ޖަޕާނުގެ ވެރިރަށް ޓޯކިއޯ ހިމެނޭ ގޮތަށް އިރުމަތީ ޖަޕާނަށް ހަ މެގްނިޓިއުޑްގައި ބިންހެލުމެއް އަތުވެއްޖެ ކަމަށް ޖަޕާނުގެ މިޓިއޮރޮލޮޖިކަލް އޭޖެންސީން ބުނެފިއެވެ.

މި ބިންހެލުމާ ގުޅިގެން ސުނާމީއެއް އަތުވެދާނެ ކަމުގެ އިންޒާރެއް ނުދެއެވެ. ހޮނިހިރު ދުވަހުގެ ރޭ 8:23 ގައި އައި މި ބިންހެލުމާ ގުޅިގެން އެއްވެސް މީހަކު ޒަޚަމްވި ކަމެއް ނޫނީ އެއްވެސް ގެއްލުމެއް ވީކަމުގެ ރިޕޯޓެއް ލިބިފައެއް ނުވެއެވެ. އެހެން ނަމަވެސް ސެންޓްރަލް ޓޯކިއޯގެ ބައެއް އިމާރާތްތައް ލޮޅުން ނޫނީ ހެލުން އައެވެ.

ބިންހެލުން އައީ ޗީބާ ޕްރީފެކްޗާ ބިމުގެ އަޑިން، ޕެސިފިކް ކަނޑުގެ 50 ކިލޯމީޓަރުގެ އަޑިންނެވެ.

ބިންހެލުން އައުމާ ގުޅިގެން ނަރީތާ އެއާޕޯޓުގެ ދެ ރަންވޭއެއް ކުޑަ ވަގުތު ކޮޅަކަށް ބަންދުކުރިއެވެ.

ޖަޕާނުގެ ބޯކޮށް ވާރޭވެހުމުގެ ސަބަބުން ފެންބޮޑުވެ އަދި ބިންހެލުން ކަނޑައިގެން ދިޔުމުގެ ހާދިސާތައް ވެސް މިދުވަސްކޮޅު ދަނީ ހިނގަމުންނެވެ.