ފަތުރުވެރިންތަކެއް މިސްކިތެއްގެ ފާރުބުރި މަތީގައި ނެށި މައްސަލަ ހޫނުވެއްޖެ
25 ޖޫން 2018 | ހޯމަ 21:15މި ވީޑިއޯ 270،000 އަށްވުރެ ގިނަ ފަހަރު ފޭސްބުކްގައި ޝެއަރކޮށްފައިވޭ
މިސްކިތުގެ ފާރުބުރި މަތީގައި 2 ފަތުރުވެރިން ނަށަނީ
މެލޭޝިއާގެ ސަބާ ސްޓޭޓްގައި ހުންނަ މަޝްހޫރު ކޮޓަ ކިނަބަލޫ މިސްކިތުގެ ފާރުބުރިއެއް މަތީގައި 2 އަންހެން ފަތުރުވެރިިން ނަށަން ތިބި ވީޑިއޯއެއް އާއްމުވެ، އެމައްސަލަ ހޫނުވެއްޖެއެވެ.
ސަބާގެ ފަތުރުވެރިކަމާއި ބެހޭ ސަރަހައްދީ ވުޒާރާއިން ބުނީ އެއިން ދައްކުވައިދެނީ މުސްލިމުންނަށް އެފަތުރުވެރިން އިހްތިރާމްނުކުރާކަން ކަމަށާއި، އޭގެ އިތުރުން މެލޭޝިއާއިން އަދާކުރި މެހުމާންދާރީއަށް އިހްތިރާމްނުކުރާކަން ކަމަށެވެ. އިރުމަތީ އޭޝިއާގެ ޤައުމަކަށް ނިސްބަތްވާކަމަށް ބެލެވޭ މި 2 މީހުންނަކީ ކޮން ބައެއްކަން ހޯދުމުގެ މަސައްކަތް މެލޭޝިއާގެ ކަމާއި ބެހޭ ފަރާތްތަކުން އަންނަނީ ކުރަމުންނެވެ. މި ދެމީހުން ކުރު ސޯޓަކާއި ބަނޑު ފެންނަ ގޮތަށް ކުރު ހެދުންކޮޅެއް ލައިގެން ތިބެ ނަށާ ވީޑިއޯ 270،000 އަށްވުރެ ގިނަ ފަހަރު ފޭސްބުކްގައި ބަލާފައިވާކަމަށް މައުލޫމާތު ލިބެއެވެ.
މިމައްސަލައިގައި ފަތުރުވެރިންގެ މެދުގައި މަޤްބޫލު އެމިސްކިތުގެ ހަރިންމަތެރެއަށް ފަތުރުވެރިން ވަނުން އެމިސްކިތުން ވަނީ މަނާކޮށްފައެވެ. އަދި މިފަދަ ކަންކަން ވިޔަ ނުދިނުމަށްޓަކައި ޓުއަރ އޮޕަރޭޓަރުންނާއި މަޝްވަރާކުރާނެކަމަށް މިސްކިތުގެ އޮފިޝަލަކު ވަނީ ބުނެފައެވެ.
