ޓައިގާ އާއި ދިޝާ އަނެއްކާވެސް ރާއްޖެ އައިސްފި

ބޮލީވުޑްގެ އަރަމުން އަންނަ ތަރި ޓައިގަރ ޝްރޮފް އާއި އޭނާގެ ލޯބިވެރިޔާ ދިޝާ ޕަޓާނީ އަނެއްކާވެސް ރާއްޖެ އަތުވެއްޖެއެވެ.

އެދެމީހުން އެންމެ ފަހުން ރާއްޖެ އައިސްފައިވަނީ މިއަހަރުގެ އައު އަހަރު ފާހަގަ ކުރުމަށެވެ. ޓައިގާ އާއި ދިޝާ ޗުއްޓީ އެފަހަރު ހޭދަކޮށްފައިވަނީ ރާއްޖޭގެ ރިސޯޓެއް ކަމަށްވާ ކޮންރެޑް މޯލްޑިވެސްގައެވެ.

އެނގިފައިވާ ގޮތުގައި މި ފަހަރު ޓައިގާ އާއި ޑިޝާ ޗުއްޓީ ހޭދަ ކުރަމުން އަންނަނީ ފޯ ސީޒަން ލަނޑާގިރާވަރު ރިސޯޓްގައެވެ.

ޓައިގާއާއި ދިޝާ ޕަޓާނީ ރާއްޖެ އައިސްފައިވަނީ މާޗްމަހުގެ 30 ގައި އެޅުވި ހިންދީ ފިލްމު ބާގީ2 ގެ ކާމިޔާބަށް ފަހުގައެވެ. އެ ފިލްމަކީ އެދެމީހުން އެކީގައި ފެނުނު ފުރަތަމަ ފިލްމެވެ. އެފިލްމު ވަނީ 100 ކްރޯޑް ކުލަބުން ޖާގަ ހޯދާފައެވެ.