14 އަތޮޅަކަށް ޔެލޯ އެލާޓް: ގުގުރުމާއެކު ބޯކޮށް ވާރޭވެހޭނެ
4 މެއި 2018 | ހުކުރު 06:38އެލާޓް ނެރެފައި ވަނީ ރ. އިން ފެށިގެން ގދ. އަށް
މާލޭގެ މަގެއްގައި ފެންބޮޑުވެފައި
ރާއްޖޭގެ 14 އަތޮޅަކަށް ގުގުރުމާއެކު ބޯކޮށް ވާރޭވެހޭނެ ކަމަށް ލަފާކޮށް، މޯލްޑިވްސް މީޓްރޮލޮޖިކަލް ސާވިސް (މެޓް) އޮފީހުން ޔެލޯ އެލާޓް ނެރެފިއެވެ.
ގުގުރުމާއެކު ބޯކޮށް ވާރޭވެހޭނެ ކަމަށް ލަފާކޮށްފައި ވަނީ ރ. އަތޮޅުން ފެށިގެން ގދ. އަތޮޅާ ހަމައަށެވެ. މެދުރާއްޖެ ތެރެއާއި ދެކުނުގެ އަތޮޅުތައް ހިމެނޭ ގޮތަށް 14 އަތޮޅަކަށް ޔެލޯ އެލާޓް ނެރެފައިވާއިރު، އެލާޓް ދެމިއޮންނާނީ މިއަދު ހެނދުން ފެށިގެން މެންދުރު 12:00އާ ހަމައަށެވެ.
މެޓް އޮފީހުން ބުނީ ރާއްޖެއަށް ކުރަމުންދާ ވައި ޖެހޭނީ ހުޅަނގުދެކުނާއި ހުޅަނގުން ދެކުނާއި މެދުތެރޭގެ އަތޮޅުތަކަށް ގަޑިއަކު 8 މޭލާ 18 މޭލާދެމެދުގެ ބާރުމިނުގައި އަދި އުތުރުގެ އަތޮޅުތަކަށް ހުޅަނގާއި ހުޅަނގު އުތުރުން ގަޑިއަކު 5 މޭލާ 15 މޭލާ ދެމެދުގެ ބާރުމިނުގައި ކަމަށެވެ. ވިލާގަނޑުގައި ގަޑިއަކު 35 މޭލަށް ވައިގަދަވުމަކީ އެކަށީގެންވާ ކަމެއް ކަމަށާއި ރާއްޖޭގެ ކަނޑުތައް އާދައިގެ ވަރަކަށް ގަދަވާނެ ކަމަށް ވެސް މެޓް އޮފީހުން ބުންޏެވެ.
