އަހަރެންގެ ނަފްސު އަހަންނަށް ފެންނަނީ މަސައްކުރާ އަނތްބެއްގެ ގޮތަށް: ދީޕިކާ

މިހާރު އޭނާގެ އަމިއްލަ ނަފްސު އޭނާއަށް ފެންނަނީ މަސައްކަތް ކުރާ އަދި މަސައްކަތްތެރި އަނތްބެއްގެ ގޮތަށާއި މަންމައެއްގެ ގޮތަށް ކަމަށް ފިލްމީ ތަރި ދީޕިކާ ޕަދުކޯން ބުނެފިއެވެ.

ދީޕިކާ ބުނީ އޭނާއަށް ކައިވެނި ކުރުން މުހިއްމު ކަމަށެވެ.

އަމިއްލަ ދިރިއުޅުމުގެ ވާހަކަތައް މާބޮޑަށް ހިއްސާ ނުކުރާ ދީޕިކާ އެހެން ބުނެފައި ވަނީ އިންޑިއާގެ ނޫސްވެރިއަކު އޭނާއާއި ކޮށްފައިވާ ސުވާލަކާއި ގުޅިގެންނެވެ. ދީޕިކާ ބުނެފައިވަނީ މަސައްކަތަކީ އޭނާގެ ހަޔާތުގެ މުހިއްމު ބައެއް ކަމަށާއި އޭނާ މަސައްކަތް ނުކުރާނަމަ އޭނާގެ ކައިރީގައި ތިބޭ މީހުންނަށް އޭނާގެ އުނދަގޫ ޖެހޭނެ ކަމަށެވެ. ދީޕިކާ މީގެ ކުރިން ވަނީ އޭނާ "ޑިޕްރެޝަން" އާ ކުރިމަތިލާންޖެހުނު ކަމަށާއި އޭނާ އެކަން ހަމައަކަށް އަޅުވަނީ "ބިޒީ" ވެގެން ކަމަށެވެ. ދީޕިކާ ބުނީ އޭނާއަށް އޭނާގެ އާއިލާއާއި މައިންބަފައިންނާއި ފިރިމީހާ އަކީ ވެސް ވަރަށް މުހިންމު ބައެއް ކަމަށާއި އެމީހުންނަށް ވެސް ވަގުތު ދޭން ޖެހޭނެ ކަމަށެވެ. އެހެންކަމުން އޭނާ ވާނީ މަސައްކަތްތެރި އަނތްބަކަށް ކަމަށެވެ.

ޚަބަރުތައް ބުނާގޮތުގައި ކައިވެންޏަށް ބޭނުންވާނެ ބައެއް ސާމާނު ގަތުމަށް ދިޕިކާ މިހާރު ބާޒާރު ކުރަން ވަނީ ފަށާފައެވެ.

ދީޕިކާ ކައިވެނި މުހިއްމުކަމަށް ބުނާއިރު އޭނާގެ ލޯބިވެރިޔާ ރަންވީރު ސިންގް އާއި އެކީގައި އުޅޭތާ މިހާރު ފަސްވަރަކަށް އަހަރު ވެދާނެއެވެ. އެދެމީހުންގެ ގުޅުމާއިމެދު ފާޅުގައި ވާޙަކަ ދައްކަން އޭގެއިން އެކަކުވެސް ބޭނުމެއް ނުވެއެވެ. އެހެން ނަމަވެސް ދެމީހުން ދެމީހުންނަށް ވަރަށް ޚާއްސަ ކަމަށް އަބަދު ވެސް ބުނެއެވެ.

މިއަހަރުގެ ކުރީކޮޅު ދީޕިކާއާއި ރަންވީރާއި އޭނާގެ އާއިލާ ރާއްޖެވަނީ އައިސްފައެވެ. މި ދަތުރުގައި މި ދެ ތަރިން އެންގޭޖްވިކަމަށް ވެސް އިންޑިޔާގެ ނޫސްތަކުން ހަބަރު ފަތުރާފައިވެ އެވެ. އެހެން ނަމަވެސް ދީޕިކާ ވަނީ އެކަން ހާމަކުރުމަށް ދެކޮޅު ހަދާފައެވެ.

އެންމެ ފަހުގެ ޚަބަރުތައް ބުނާގޮތުގައި ދީޕިކާއާއި ރަންވީރުގެ ކައިވެނި މިއަހަރުގެ ފަހުކޮޅު ކުރާނެއެވެ. އިންޑިއާގެ ޑެއިލީ ނޫހުން ބުނާގޮތުގައި ދީޕކާއާއި ރަންވީރުގެ ކައިވެނި ވަރަށް "ޕްރައިވެޓް" ވާނެކަމަށާއި އެދެމީހުންގެ ކައިވެނި ބާއްވާނީ އިންޑިއާގެ ސަގާފީ ހެދުމުގައި ކަމަށެވެ. އަދި ކައިވެންޏަށް ކިޔާނީ އާއިލާގެ މީހުންނަށާއި އެންމެ ގާތް ރައްޓެހިންނަށް ކަމަށް މައުލޫމާތު ލިބިފައިވެއެވެ.