ރުމާލު 2 ޖަގަހައިގެ ސްޓޭޖުގައި ރޯކޮށްލައިފި
25 މާރިޗު 2018 | އާދީއްތަ 05:49ޖަގަހައަކީ ސެކިއުރިޓީ ބަލަހައްޓަމުންދާ ތަނެއް
ޙުސައިން ޙަސަން | 25 މާރިޗު 2018 | އާދީއްތަ 05:49
ރުމާލު 2 ޖަގަހައިގެ ސްޓޭޖުގެ ކާޕެޓުގައި ރޯކޮށްލާފައި
ޕީޕީއެމްގެ، ސިޔާސީ ހަރަކާތް ހިންގާ "ރުމާލު 2" ޖަގަހައިގެ ސްޓޭޖުގައި ބަޔަކު ރޯކޮށްލައިފި އެވެ.
ޕީޕީއެމުން ބުނީ ރުމާލު 2 ޖަގަހައިގެ ސްޓޭޖުގައި ބަޔަކު ރޯކޮށްލާފައި ވަނީ ރޭ ފަތިހު 4:10 އެހާކަންހާއިރު ކަމަށެވެ. އެ ހާދިސާގައި އެ ޖަގަހައިގެ ސްޓޭޖުގެ ކާޕެޓު ވަނީ އަނދާފައެވެ. އަދި ޕޯޑިއަމަށް ވެސް ގެއްލުންތަކެއް ވެފައިވެއެވެ.
އަމިއްލަ ބަޔަކު ސެކިއުރިޓީ ވެސް ބަލަހައްޓަމުންދާ އެ ޖަގަހައިގައި ރޯކޮށްލި މައްސަލަ ފުލުހުން ދަނީ ތަހުގީގު ކުރަމުންނެވެ. އެ މައްސަލައާ ގުޅިގެން މީހަކު ހައްޔަރު ކުރި ކަމަކަށް ފުލުހުން ނުބުނެއެވެ. ފުލުހުން ބުނީ އެ މައްސަލަ ހުށަހެޅިފައި ވާތީ، އެކަން ބަލަމުންދާ ކަމަށެވެ.
