ޕީޕީއެމްގެ، ސިޔާސީ ހަރަކާތް ހިންގާ "ރުމާލު 2" ޖަގަހައިގެ ސްޓޭޖުގައި ބަޔަކު ރޯކޮށްލައިފި އެވެ.
ޕީޕީއެމުން ބުނީ ރުމާލު 2 ޖަގަހައިގެ ސްޓޭޖުގައި ބަޔަކު ރޯކޮށްލާފައި ވަނީ ރޭ ފަތިހު 4:10 އެހާކަންހާއިރު ކަމަށެވެ. އެ ހާދިސާގައި އެ ޖަގަހައިގެ ސްޓޭޖުގެ ކާޕެޓު ވަނީ އަނދާފައެވެ. އަދި ޕޯޑިއަމަށް ވެސް ގެއްލުންތަކެއް ވެފައިވެއެވެ.
އަމިއްލަ ބަޔަކު ސެކިއުރިޓީ ވެސް ބަލަހައްޓަމުންދާ އެ ޖަގަހައިގައި ރޯކޮށްލި މައްސަލަ ފުލުހުން ދަނީ ތަހުގީގު ކުރަމުންނެވެ. އެ މައްސަލައާ ގުޅިގެން މީހަކު ހައްޔަރު ކުރި ކަމަކަށް ފުލުހުން ނުބުނެއެވެ. ފުލުހުން ބުނީ އެ މައްސަލަ ހުށަހެޅިފައި ވާތީ، އެކަން ބަލަމުންދާ ކަމަށެވެ.