ބިޕާޝާ ބަލިވެއިން ކަމަށް ދެކެވޭ ވާހަކަ އޭނާ ދޮގުކޮށްފި
ބިޕާޝާއަކީ ބޮލީވުޑްގެ ގިނަ ފިލްމުތަކެއް ކުޅެފައިވާ ތަރިއެއް
ބިޕާޝާ އާއި އޭނާގެ ފިރިމީހާ ކަރަން
ބޮލީވުޑްގެ ތަރި ބިޕާޝާ ބާސޫ ބަލިވެއިން ކަމަށް ދެކެވޭ ވާހަކަތައް އޭނާ ދޮގުކޮށްފިއެވެ.
ބިޕާޝާ އިނނީ ބަލިވެ ކަމަށް ވާހަކަތައް ދެކެވޭތާ ދުވަސްކޮޅެއް ވެއްޖެއެވެ. ޚާއްސަކޮށް ޓްވިޓާގައި އެވާހަކަ ވަނީ ގަދަވެފައެވެ.
ބިޕާޝާ ބުނީ މީޑިއާތަކުން އޭނާ ބަލިވެއިން ކަމަށް ބުނެ އަޑުތައް ފަތުރަމުންދާ ކަމަށާއި އޭނާ އިނނީ ބަލިވެ ނޫން ކަމަށެވެ. އަދި ބަލިވެއިނނުން އެއީ އޭނާ އާއި ފިރިމީހާ ކަރަން ސިންގް ބޭނުން ވުމުން ވާކަމެއް ކަމަށެވެ.
ބިޕާޝާއަކީ ބޮލީވުޑްގެ ގިނަ ފިލްމުތަކެއް ކުޅެފައިވާ ތަރިއެކެވެ. އޭނާ އެންމެ ފުރަތަމަ ފިލްމީ ކެރިއަރ ފަށާފައި ވަނީ 2001 ވަނަ އަހަރު ނިކުތް "އަޖްނަބީ" އިންނެވެ. ބިޕާޝާއަކީ މޮޑެލެއް ވެސް މެއެވެ. ކަރަން ކީ ޓީވީ ސީރީޒްތަކުން މަޝްހޫރުވި ފަންނާނެކެވެ. އޭނާގެ ދެތިން ފިލްމެއް ވެސް ބޮލީވުޑް އިން ވަނީ ފެނިގެން ގޮސްފައެވެ. ބިޕާޝާ އާއި ކަރަން ކައިވެނި ކޮށްފައި ވަނީ 2016 ވަނަ އަހަރުގައެވެ.
