ބިޕާޝާއާއި އޭނާގެ ފިރިމީހާވެސް އާ އަހަރުގެ ޝޯއަށް ރާއްޖެ އަންނަނީ

އާ އަހަރުގެ ޝޯގައި ޕާފޯމްކުރުމަށް ބޮލީވުޑްގެ މަޝްހޫރު ތަރި ބިޕާޝާ ބާސޫ އާއި އޭނާގެ ފިރިމީހާ ކަރަން ސިންގް ގްރޯވާ ރާއްޖެ އައުމަށް ހަމަޖެހިއްޖެއެވެ.

ޝޯ އިންތިޒާމް ކުރި މޯލްޑިވްސް އިންޓްގްރޭޓެޑް ޓޫރިޒަމް ކޯޕަރޭޝަން (އެމްއައިޓީޑީސީ) އާއި ޓޫރިޒަމް މިނިސްޓްރީ ގުޅިގެން މާލޭގެ ކާނިވާ ސަރަހައްދުގައި ބާއްވާ އެ ޝޯގައި ފާކިސްތާނުގެ ލަވަކިޔުންތެރިޔާ ރާހަތު ފަތޭހް އަލީ ހާން އާއި އިންޑިއާގެ ލަވަކިޔުންތެރިޔާ މީކާ ސިންގް ވެސް ބައިވެރިވެ ޕާފޯމް ކުރާނެއެވެ.

މޯލްޑިވްސް އިންޓްގްރޭޓެޑް ޓޫރިޒަމް ކޯޕަރޭޝަން (އެމްއައިޓީޑީސީ) އިން އިންތިޒާމު ކޮށްގެން ބާއްވާ މި ޝޯ އޮންނާނީ ޑިސެމްބަރު 31 ވަނަ ދުވަހުގެ ރޭގައެވެ.

މި ފަންނާނުންގެ އިތުރުން ދިވެހި ފަންނާނުންގެ ތަފާތު ހުށަހެޅުންތައް ވެސް އާ އަހަރުގެ ޝޯއިން ފެނިގެންދާނެ އެވެ.

ބިޕާޝާ އަކީ ބޮލީވުޑްގެ ގިނަ ފިލްމުތަކެއް ކުޅެފައިވާ ތަރިއެކެވެ. އޭނާ އެންމެ ފުރަތަމަ ފިލްމީ ކެރިއަރ ފަށާފައިވަނީ 2001 ވަނަ އަހަރު ނިކުތް އަޖްނަބީއިންނެވެ. ބިޕާޝާއަކީ މޮޑެލެއްވެސް މެއެވެ. ކަރަން އަކީ ޓީވީ ސީރީޒްތަކުން މަޝްހޫރުވި ފަންނާނެކެވެ. އޭނާގެ ދެތިން ފިލްމެއް ވެސް ބޮލީވުޑްއިން ވަނީ ފެނިގެން ގޮސްފައެވެ. ކަރީނާއާއި ކަރަން ކައިވެނި ކޮށްފައިވަނީ 2016 ވަނަ އަހަރުގައެވެ.