އާ އަހަރުގެ ޝޯއަށް ބޮލީވުޑްގެ ދެ ފަންނާނަކު ގެންނަނީ
މި ޝޯ އޮންނާނީ ޑިސެމްބަރު މަހުގެ 31 ވަނަ ދުވަހުގެ ރޭ އަލިމަސް ކާނިވާގައި
ތަހާރަތު މުހައްމަދު ވަހީދު | 20 ޑިސެމްބަރު 2017 | ބުދަ 13:46
އެމްއައިޓީޑީސީ އިން އާންމުކޮށްފައިވާ ޕޯސްޓަރ
އާއަހަރުގެ ޝޯއަށް ބޮލީވުޑްގެ ދެ ފަންނާނަކު ގެންނަން ހަމަޖައްސައިފި އެވެ.
މޯލްޑިވްސް އިންޓްގްރޭޓެޑް ޓޫރިޒަމް ކޯޕަރޭޝަން (އެމްއައިޓީޑީސީ) އިން އިންތިޒާމުކޮށްގެން ޑިސެމްބަރު 31 ވަނަ ދުވަހުގެ ރޭ އަލިމަސް ކާނިވާގައި ބާއްވާ މި ޝޯއަށް ގެންނަނީ ބޮލީވުޑްގެ މަޝްހޫރު ފިލުމުތަކަށް ލަވަ ކިޔާދީފައިވާ ފާކިސްތާނުގެ ލަވަކިޔުންތެރިޔާ ރާހަތު ފަތޭހް އަލީ ހާން އާއި އިންޑިއާގެ ލަވަކިޔުންތެރިޔާ މީކާ ސިންގް އެވެ.
ރާހަތު ފާތިހް އަލީ ހާން އާއި މީކާ ސިންހް މާލެ އަންނާނެ ދުވަހެއް އަދި ހާމައެއް ނުކުރެ އެވެ.
މި ފަންނާނުންގެ އިތުރުން ދިވެހި ފަންނާނުންގެ ތަފާތު ހުށަހެޅުންތައް ވެސް އާ އަހަރުގެ ޝޯއިން ފެނިގެންދާނެ އެވެ.
