ކޯންޗެއްބާ ގެ ނަމުގައި ޑިޓިއުން ބޭންޑާއި އޯކޭޒް އިންކް ގުޅިގެން ނެރޭ ވީޑިއޯ އަންނަ ހުކުރު ދުވަހުގެރޭ އާންމު ކުރާނެ ކަމަށް ޑިޓިއުން ބޭންޑުން ބުނެފިއެވެ.

ޑިޓިއުންބޭންޑުން ބުނީ މި ވީޑިއޯ އާންމު ކުރާނީ ހުކުރު ދުވަހުގެރޭ ޝްވެކް ސިނަމާގައި ބާއްވާ ރަސްމިއްޔާތަކާއި އެކު ކަމަށެވެ.

ކޯންޗެއްބާ ގެ ނަމުގައި ސޯޝަލް މީޑިއާގައި ޓްރެންޑު ކުރަމުން އަންނަ މި ވީޑިއޯ ޓީޒަރ ފެށޭއިރު ފެންނަނީ ކޮންމެވެސް މީހަކު ހިނގާފައި އަންނަ މަންޒަރެވެ.

މިވީޑިއޯގެ ޓީޒާ އާންމު ކޮށްފައިވަނީ މިދިޔަ ނޮވެމްބަރުމަހުގެ ތެރޭގައެވެ.

59 ސިކުންތުގެ ޓީޒާ ބެހޭގޮތުން ޑިޓިއުން ބޭންޑްގެ ލީޑް ވޯކަލިސްޓް ފާތިމަތު ފެޒްލީން (ފެޒޫ) ބުނީ މިއީ ސަޕްރައިޒެއް ކަމަށެވެ. ފެޒޫ ބުނީ މިއީ ވަރަށް ބޮޑު ޕްރޮޑަކްޝަން ޓީމެއް ގުޅިގެން އުފައްދާފައިވާ ވީޑިއޯ އެއް ކަމަށެވެ. ވީޑިއޯގެ ޕްރޮޑަކްޝަން ޓީމުގައި ހިމެނޭ ފަރާތްތަކުގެ ތެރޭގައި މަޝްހޫރު ކެމެރާމަން އިބްރާހިމް ވިޝާން (ކަނޑި)، އަދި މަޝްހޫރު ކޮރިއޮގްރާފަރ އަދި ޑައިރެކްޓަރ މުހައްމަދު މުންތަސިރު (މުންކޮ) ހިމެނެއެވެ.