އެފްއޭއެމް އާއި ގަތަރު އެފްއޭއާ އެމްއޯޔޫއެއްގައި ސޮއި ކޮށްފި
1 ނޮވެމްބަރު 2017 | ބުދަ 14:19އެފްއޭއެމްގެ ފަރާތުން އެމްއޯޔޫގައި ސޮއިކުރައްވާފައި ވަނީ އެފްއޭއެމްގެ ރައީސް ބައްސާމް
ގަތަރުގެ އެފްއޭއާއެކު އެފްއޭއެމް އިން އެމްއޯޔޫގައި ސޮއިކުރުން
ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އާއި ގަތަރު ފުޓުބޯޅަ އެސޯސިއޭޝަނާ ދެމެދު މެމޮރެންޑޮމް އޮފް އަންޑަސްޓޭޑިން (އެމްއޯޔޫ) އެއްގައި ސޮއިކޮށްފިއެވެ.
އެފްއޭއެމް އިން ނެރުނު ބަޔާނެއްގައި ބުނީ އެފްއޭއެމް އަދި ގަތަރު އެފްއޭއާ އެކު ހެދުނު އެމްއޯޔޫ އަކީ ފަސް އަހަރު ދުވަހުގެ މުއްދަތަށް ހެދުނު އެއްބަސްވުމެއް ކަމަށާއި، އެ އެއްބަސްވުމުގެ ދަށުން އެފްއޭއެމް އާއި ގަތަރު އެފްއޭއާ ދެމެދު އޮންނަ ގުޅުން މިހާރަށްވުރެ ބޮޑަށް ބަދަހިކުރުމާއި، ޕްރޮމޯޝަނަލް ކަންތައްތަކާއި އެފްއޭއެމްގެ އޮނިގަނޑާއި، ގައުމީ ޓީމްތައް ރަނގަޅުކުރުމަށް ކުރެވިދާނެ ކަންތައްތަކާއި، ކަންކަމާ ގުޅުން ހުރި ފަންނީ ތަޖުރިބާކާރުންގެ އެހީތެރިކަން ދެ އެސޯސިއޭޝަން މެދުގައި ބަދަލުކުރުން ހިމެނޭ ކަމަށެވެ.
ގަތަރުގައި ކުރިޔަށް ދިޔަ މި ރަސްމިއްޔާތުގައި އެފްއޭއެމްގެ ފަރާތުން އެމްއޯޔޫގައި ސޮއިކުރައްވާފައި ވަނީ އެފްއޭއެމްގެ ރައީސް ބައްސާމް އަދީލް ޖަލީލުއެވެ. މި ރަސްމިއްޔާތުގައި މޯލްޑިވްސް އޮލިމްޕިކް ކޮމިޓީގެ ރައީސް އަދި އޭއެފްސީ މާކެޓިން ކޮމެޓީގެ ޗެއާމަން މުހައްމަދު ޝަވީދުވެސް ވަނީ ބައިވެރިވެވަޑައިގެންފައެވެ.
