ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން އިންތިޒާމު ކޮށްގެން ބޭއްވި ނެޝަނަލް ބީޗް ވޮލީބޯލް ޓޯނަމެންޓްގެ ޗެމްޕިއަންކަން ހައްވާ ރާޝިދާ އަދި ފާތިމަތު ޒީނިއާ މޫސާ ހޯދައިފިއެވެ.
މުބާރާތުގެ ޗެމްޕިއަންކަން ރާޝިދާ އަދި ޒީނިއާގެ ޕެއާ ހޯދީ އައިޝަތް މާޖިދާ އަދި އާމިނަތު އަރީޝާގެ ޕެއާއާ ވާދަކޮށްގެންނެވެ. މުބާރާތުގެ ތިންވަނަ ހޯދާފައި ވަނީ ޝަފްނާ އިބްރާހިމް އަދި ޝާނިޔާ އަހުމަދުގެ ޕެއާއެވެ.
ބުރާސްފަތި ދުވަހުން ފެށިގެން ހޮނިހިރު ދުވަހުގެ ނިޔަލަށް ކުރިޔަށް ދިޔަ މި މުބާރާތަކީ ބީޗް ވޮލީ ކުރިއެރުވުމަށް ކުރިޔަށްގެންދާ މުބާރާތެކެވެ.
ވީއޭއެމް އިން އަންނަނީ ބީޗް ވޮލީ ކުރިއެރުވުމަށް މަސައްކަތްތަކެއް ކުރަމުންނެވެ. އެގޮތުން އަންނަ އަހަރު ބީޗް ވޮލީ އަށް ފޯކަސްކޮށް ކަންތައްތަކެއް ކުރިޔަށްގެންދާނެ ކަމަށް އެ އެސޯސިއޭޝަނުން ބުނެއެވެ.
