ޓެއިލަރޝޮޕް މޯލްޑިވްސް: ފެންވަރު ރަނގަޅު ޔުނީފޯމު އުފެއްދުމުގައި ވިޔަފާރިތަކުގެ އިތުބާރު ހޯދަމުން އަންނަ ދިވެހި ކުންފުންޏެއް

ދިވެހިރާއްޖޭގެ ވިޔަފާރިތަކަށާއި، ދުނިޔޭގެ ފެންވަރުގައި ފާހަގަކޮށްލެވޭ ފަތުރުވެރިކަމުގެ ސިނާއަތަށް ބޭނުންވާ މަތީ ފެންވަރުގެ ޔުނީފޯމުތައް ފަރުމާކޮށް، ފަހައި، އަދި ސަޕްލައި ކުރުމުގައި "ޓެއިލަރޝޮޕް މޯލްޑިވްސް" އިން އަންނަނީ ބޮޑު މަގުބޫލުކަމަކާއި އިތުބާރު ހޯދަމުންނެވެ.

އެ ކުންފުނިން ބުނީ، ކޯޕަރޭޓް އިދާރާތަކާއި ލަގްޒަރީ ރިސޯޓުތައް އަދި ރެސްޓޯރެންޓްތަކަށް ބޭނުންވާ ޔުނީފޯމުތައް އެންމެ ފުރިހަމަ ފެންވަރުގައި ފޯރުކޮށްދިނުމުގައި ރާއްޖޭގެ އެކި ކަންކޮޅުތަކުގައި ފާހަގަކޮށްލެވޭ ކާމިޔާބީތަކެއް އެ ކުންފުނިން ހާސިލުކުރަމުންދާ ކަމަށެވެ.

އެގޮތުން ބައިނަލްއަޤްވާމީ ފެންވަރުގެ ފޮއްޗާއި، ފުރިހަމަ ޚިދުމަތްތައް ރާއްޖޭގެ ހޫނު މޫސުމާއި މީހުންގެ ދިރިއުޅުމުގެ ވައްޓަފާޅިއާ ގުޅޭނޭހެން، އަދި ދިގު މުއްދަތަކަށް ހަލާކުނުވެ ބޭނުންކުރެވޭނެ ފަދަ މޮޅު ފޮތި އެތެރެކުރުމަށް ޓެއިލަރޝޮޕް މޯލްޑިވްސް އިން ޚާއްސަ އިސްކަމެެއް ދެމުންދާކަމަށް އެ ކުންފުނިން ބުނެ އެވެ. މީގެ ތެރޭގައި އިޓަލީގެ މަޝްހޫރު ފޮއްޗާއި ދުނިޔޭގެ އެންމެ އަގުބޮޑު އަދި ފެންވަރު ރަނގަޅު އެއް ބާވަތް ކަމަށްވާ އިޖިޕްޝަން ކޮޓަން ހިމެނެ އެވެ.

އެ ކުންފުނިން ކަސްޓަމަރުންނަށް ދޭ ޚިދުމަތްތަކުގެ ތެރޭގައި:

ކަސްޓަމައިޒްޑް ޑިޒައިނިންގ އަދި ޓެކްނިކަލް ޑްރޮވިންގ: ކޮންމެ ބްރޭންޑެއްގެ ވެސް އައިޑެންޓިޓީ ދައްކުވައިދޭނެ ޚާއްސް ޑިޒައިންތައް ތައްޔާރުކުރުން

ފޮތި ސޯސްކުރުމާއި ފެހުން: ބައިނަލްއަޤްވާމީ ފެންވަރުގެ ފޮތި ހޯދައި، އެންމެ ޒަމާނީ ފެހުމުގެ ޓެކްނިކްތައް ބޭނުންކޮށްގެން ހެދުން ފެހުން

ބްރޭންޑިންގ ނުވަތަ ޕްރިންޓިންގ އަދި އެމްބްރޮއިޑަރީ: ކުންފުނިތަކުގެ ލޯގޯތަކާއި ނަންތައް އެންމެ ފުރިހަމަ ގޮތުގައި އެމްބްރޮއިޑް ކުރުމާއި ޕްރިންޓް ކުރުން

ޕެކިންގ އަދި ރައްކާތެރިކަމާއެކު ޑެލިވަރީ ކުރުން: އޯޑަރުތައް ރީތިކޮށް ޕެކްކޮށް، ރާއްޖޭގެ ކޮންމެ ރަށަކަށް ނުވަތަ ރިސޯޓަކަށް ވެސް ވަގުތުން ވަގުތަށް ފޯރުކޮށްދިނުން

ހޮސްޕިޓާލިޓީ އަދި ކޯޕަރޭޓް ދާއިރާއަށް ޚާއްސަ ސޮލިއުޝަންސް

ޓެއިލަރޝޮޕް މޯލްޑިވްސް އިން މައިގަނޑު ގޮތެއްގައި އަމާޒު ހިފާފައިވަނީ ރާއްޖޭގެ ފައިވް ސްޓާރ މާހައުލުތަކަށް އެކަށޭނަ، ފުރިހަމަ ޔުނީފޯމުތައް ފޯރުކޮށްދިނުމަށެވެ. މީގެ ތެރޭގައި ރިސޯޓުތަކުގެ ފްރަންޓް އޮފީހާއި ހައުސްކީޕިންގ ޔުނީފޯމާއި ރެސްޓޯރެންޓްތަކުގެ ވެއިޓަރުންނާއި މުވައްޒަފުންގެ ޔުނީފޯމާއި ފަންނީ ޗެފުންގެ އިތުރުން ސެކިއުރިޓީ އޮފިސަރުންގެ ޔުނީފޯމުތައް ހިމެނެ އެވެ. މީގެ އިތުރުން ކޯޕަރޭޓް އޮފީސްތަކުގެ މުވައްޒަފުންނަށް ޚާއްސަ ޕްރޮފެޝަނަލް ސޫޓުތަކާއި ޔުނީފޯމުތައް ވެސް އެ ކުންފުނިން ތައްޔާރުކޮށްދެ އެވެ.

"ޖޫކީ" (JUKI) މެޝިނަރީޒް އަދި ވިޔަފާރިތަކަށް އެހީތެރިވުން

ޓެއިލަރޝޮޕް މޯލްޑިވްސް އަކީ ދުނިޔޭގެ އެއްވަނަ ފެހުމުގެ މެޝިން އުފައްދާ ބްރޭންޑް ކަމަށްވާ "ޖޫކީ" (JUKI) ގެ ރާއްޖޭގެ ރަސްމީ އޮތޮރައިޒްޑް ޑިސްޓްރިބިއުޓަރެވެ. އަދި އެ ދާއިރާއަށް އަލަށް ވަންނަން ބޭނުންވާ ވިޔަފާރިތަކަށާއި އަމިއްލަ ފަރާތްތަކަށް ޖޫކީގެ އެންމެ ފަހުގެ މެޝިނަރީޒް ފޯރުކޮށްދިނުމުގެ އިތުރުން، އެ ފަރާތްތަކަށް ބޭނުންވާ ޓެކްނިކަލް ކޮންސަލްޓޭޝަނާއި، މެޝިންތައް އިންސްޓޯލްކުރުމާއި، ދިމާވާ މައްސަލަތައް ހައްލުކޮށް ބެލެހެއްޓުމުގެ ފުރިހަމަ ޚިދުމަތް އެ ކުންފުނީގެ ތަޖުރިބާކާރު ޓީމުން ފޯރުކޮށްދެ އެވެ.

ސީއީއޯގެ ތަސައްވުރެ: އެންޑް-ޓު-އެންޑް ސޮލިއުޝަން އަދި ދިވެހިންގެ އުފެއްދުންތެރިކަން ދުނިޔެއަށް 

ޓެއިލަރޝޮޕް މޯލްޑިވްސްގެ ސީއީއޯ ވިދާޅުވި ގޮތުގައި، އެ ކުންފުނިން އަހައްމިއްޔަތުކަންދޭ އެންމެ ބޮޑު އެއް ކަމަކީ، ރާއްޖޭގެ ކުންފުނިތަކުގެ ޔުނީފޯމުގެ ބޭނުންތަކަށް ރާއްޖެއިން ބޭރަށް ބަރޯސާވާން ނުޖެހި، ފަރުމާކުރުމުން ފެށިގެން އެންމެ ފަހުގެ ޑެލިވަރީއާ ހަމައަށް ފުރިހަމަ "އެންޑް-ޓު-އެންޑް ސޮލިއުޝަން" އެއް ރާއްޖޭގެ މާހައުލުން ފަސޭހަކަމާއެކު ލިބޭނެ އިންތިޒާމު ހަމަޖައްސައިދިނުން ކަމަށެވެ.

މީގެ އިތުރުން، ހޮސްޕިޓާލިޓީ ޔުނީފޯމް ސެކްޓަރުގައި ދިވެހިންނަށް ފުޅާ ދާއިރާއެއްގައި ޖާގަ ހޯދައިދިނުމަކީ ވެސް މުހިންމު ލަނޑުދަނޑިއެއް ކަމަށާއި ރާއްޖޭގެ ފަތުރުވެރިކަމުގެ ބޮޑު ސިނާއަތުގެ ތެރެއިން، ދިވެހިންގެ ހުނަރުވެރިކަމާއި އުފެއްދުންތެރިކަން ފެހުމުގެ ދާއިރާއިން ބައިނަލްއަޤްވާމީ ފެންވަރުގައި ދައްކާލުމަކީ ޓެއިލަރޝޮޕް މޯލްޑިވްސްގެ މައިގަނޑު އެއް އަމާޒު ކަމުގައި އެ ކުންފުނީގެ ސީއީއޯ ވިދާޅުވި އެވެ.

ޒުވާނުން ބާރުވެރިކުރުވުމާއި ސިނާއަތު ތަރައްޤީކުރުން

ޓެއިލަރޝޮޕް މޯލްޑިވްސް އިން ބުނީ އެ ކުންފުނީގެ އަނެއް މުހިންމު ތަސައްވުރަކީ ދިވެހިރާއްޖޭގައި ފެހުމާއި ޓެކްސްޓައިލްގެ ސިނާއަތު ޒަމާނީ ފެންވަރަކަށް ތަރައްޤީކުރުން ކަމަށެވެ. އެގޮތުން އެ ދާއިރާގައި ބޭނުންކުރާ ޒަމާނީ ޓެކްނޮލޮޖީތަކަށް ދިވެހި ޒުވާން ޖީލު އަހުލުވެރިކުރުވައި، ފެހުމުގެ ފަންނުގައި ޒުވާނުން ކުރިއަށްދިއުމަށް މަގުފަހިކޮށްދީ، މުސްތަގުބަލުގައި އެ ދާއިރާއިން އުފެއްދުންތެރި ދިވެހި ޖީލެއް ބިނާކުރުމަށް އެ ކުންފުނިން  މަސައްކަތްކުރަމުންދާ ކަމަށް ބުންޏެވެ.

މީގެއިތުރުން ޓެއިލަރޝޮޕް މޯލްޑިވްސްގެ މަސައްކަތްތަކަށް އިތުބާރުކުރާ ކަސްޓަމަރުންގެ އަދަދު ދުވަހެއް ދުވަހަކަށް އިތުރުވަމުން އަންނައިރު، އެ ކުންފުނީގެ މައިގަނޑު އަމާޒަކީ ރާއްޖޭގެ ހުރިހާ ވިޔަފާރިތަކަކަށް ވެސް ފަސޭހަކަމާއެކު އެންމެ މަތީ ފެންވަރުގެ ޔުނީފޯމު އަދި ފެހުމުގެ ސޮލިއުޝަންސް ފޯރުކޮށްދޭ އެންމެ އިތުބާރުހުރި ބައިވެރިޔާގެ ގޮތުގައި އަބަދުވެސް ދެމިއޮތުން ކަމުގައި ވެސް އެ ކުންފުނިން ބުނެ އެވެ.