ދެވަނަ ފަންގިފިލާއިން ކުޑަކުއްޖަކު ވެއްޓުނު މައްސަލަ ފުލުހުން ތަހުގީގު ކުރަނީ
30 މެއި 2026 | ހޮނިހިރު 07:32މެދުރާއްޖެތެރޭގެ ރަށެއްގައި އިމާރާތެއްގެ ދެވަނަ ފަންގިފިލާއިން ކުޑަކުއްޖަކު ވެއްޓުނު މައްސަލައެއް ފުލުހުން ދަނީ ބަލަމުން. މި ހާދިސާގައި ކުއްޖާގެ ބޭރުފުށުން ބޮޑު އަނިޔާއެއް ފެންނަން ނެތް ނަމަވެސް، އިތުރު ފަރުވާއަށް އެ ކުއްޖާ މިހާރު މާލެ ގެނެސް އައިޖީއެމްއެޗަށް ދައްކާފައިވޭ. މި މައްސަލައާ ގުޅިގެން ބަލަންޖެހޭ ކަންކަން ފުލުހުން ތަހުގީގު ކުރަމުންދާއިރު، ހާދިސާ ހިނގި ރަށާއި ކުއްޖާގެ ތަފްސީލެއް އަދި ހާމައެއް ނުކުރޭ.
މޯލްޑިވްސް ޕޮލިސް ސާވިސްގެ ހެޑް ކުއާޓާރ، ޝަހީދު ހުސެއިން އާދަމް ބިލްޑިންގ. | ރާއްޖެއެމްވީ
މެދުރާއްޖެތެރޭގެ ރަށެއްގައި އިމާރާތެއްގެ ދެވަނަ ފަންގިފިލާއިން ކުޑަކުއްޖަކު ވެއްޓުނު މައްސަލަ ފުލުހުން ތަހުގީގު ކުރަން ފަށައިފި އެވެ.
ފުލުހުން ބުނީ، މެދުރާއްޖެތެރޭގެ ރަށެއްގައި އިމާރާތެއްގެ ދެވަނަ ފަންގިފިލާއިން ކުޑަކުއްޖަކު ވެއްޓުނު މައްސަލައެއް ރިޕޯޓު 29 މެއި 2026 ގައި ލިބިފައިވާ ކަމަށާއި، މި ރިޕޯޓާ ގުޅިގެން ބަލަން ޖެހޭ ކަންކަން ބަލަމުންދާ ކަމަށެވެ.
ކުއްޖާގެ ހާލަތާ ގުޅިގެން ފުލުހުން ބުނީ، ބޭރު ފުށަށް މާ ބޮޑު އަނިޔާއެއް ފެންނަން ނެތް ކަމަށެވެ. ނަމަވެސް އާއިލާއިން ކުއްޖާ ޑޮކްޓަރަށް ދައްކަން ބޭނުންވާތީ، އެކުއްޖާ މާލެ ގެނެސް އައިޖީއެމްއެޗަށް ދައްކާފައިވާ ކަމަށް ފުލުހުން ބުނެ އެވެ. އަދި އިތުރު ތަފްސީލެއް ފުލުހުން ހާމަކޮށްފައިނުވެ އެވެ.
މި ހާދިސާ ހިނގީ ކޮން ރަށެއްގައި ކަމެއް އަދި ކުއްޖާއާ ގުޅޭ އިތުރު މައުލޫމާތެއް ވެސް ހާމަކޮށްފައިނުވެ އެވެ.
މެދުރާއްޖެތެރޭގެ ރަށެއްގައި އިމާރާތެއްގެ ދެވަނަ ފަންގިފިލާއިން ކުޑަކުއްޖަކު ވެއްޓުނުއިރު، ރާއްޖޭގައި ކުދީންނަށް އިހުމާލުވާ މައްސަލަތައް ދަނީ އިތުރުވަމުންނެވެ.
