ފުލުހުންގެ ބަންދުގައި މާލެ ކަސްޓޯޑިއަލްގައި ހުރި މީހަކު މަރުވެއްޖެ
މާލެ ކަސްޓޯޑިއަލްގެ ގޮޅިއެއްގެ ތެރޭގައި ވެއްޓިފައި އޮއްވާ ފެނިގެން އައިޖީއެމްއެޗަށް ގެންދިޔަ 41 އަހަރުގެ އަޙްމަދު ނަވްޝާދު ނިޔާވެފައިވާތީ، އެ މައްސަލަ ފުލުހުން ތަހުގީގު ކުރަން ފަށައިފި. ހޮސްޕިޓަލަށް ގެންދިޔައިރު ވެސް އޭނާ ނިޔާވެފައިވާ ކަމަށް ޑޮކްޓަރުން މައުލޫމާތު ދީފައިވާއިރު، މި ހާދިސާއާ ގުޅޭ މައުލޫމާތު އެޗްއާރުސީއެމް އާއި އެންއައިސީއާ މިހާރު ވަނީ ހިއްސާކޮށްފައި.
ފުލުހުންގެ ބެލުމުގެ ދަށުގައި ހުރި މީހަކު ވަނީ މަރުވެފައި، އޭނާ މަރުވީ މާލެ ކަސްޓޯޑިއްލަގައި ހުއްޓާ | މޯލްޑިވްސް ޕޮލިސް
މާލެ ކަސްޓޯޑިއަލްގައި ފުލުހުންގެ ބެލުމުގެ ދަށުގައި ހުރި މީހަކު މަރުވެއްޖެ އެވެ.
ފުލުހުން ބުނީ މާލެ ކަސްޓޯޑިއަލް ގައި ފުލުހުންގެ ބަންދުގައި ހުރި މީހަކު ބަންދު ގޮޅީގައި ވެއްޓިފައިއޮއްވާ ފެނިގެން 2026 އޭޕްރީލް 15 ދުވަހުގެ ހަވީރުގެ ވަގުތެއްގައި އައިޖީއެމް ހޮސްޕިޓަލަށް ގެންގޮސްފައިވާ ކަމަށެވެ.
އެ މީހާ ހޮސްޕިޓަލަށް ގެންދިޔަ އިރު ވެސް ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވެ އެވެ. ނިޔާވެފައި ވަނީ މ. ރޭއަލިވާގެއާގެ / މާލެ، އަޙްމަދު ނަވްޝާދު (41އ) އެވެ.
މި ހާދިސާގެ މައުލޫމާތު ހިއުމަށް ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އަދި ނޭޝަނަލް އިންޓަގްރިޓީ ކޮމިޝަން (އެންއައިސީ) އަށް މިހާރު ވަނީ ހިއްސާކޮށްފަ އެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
