ފުވައްމުލަކު އުތުރު ދާއިރާގެ މެމްބަރު ޙަމަދު ޢަބްދުﷲ ގެ އާއިލީ މަސްލަހަތު އޮންނަ ކުންފުންޏަކުން ސިޓީ ކައުންސިލަށް ދައްކަން ޖެހޭ 1.1 މިލިއަނަށް ވުރެ ގިނަ ރުފިޔާ ނުދައްކާ ހުރިކަން ހާމަވެއްޖެ
މި ފައިސާ ދެއްކުމަށްޓަކައި ކައުންސިލާއެކު ސެޓްލްމެންޓް އެއްބަސްވުމެއް ގާއިމުކޮށް، 12 މަސްދުވަހުގެ ތެރޭގައި ބަހާލައިގެން ފައިސާ ދައްކަމުންދާ ކަމަށް ކައުންސިލުން ބުނެފައިވޭ. މި ދެ ރެސްޓޯރެންޓަކީ ފުވައްމުލަކު އުތުރު ދާއިރާގެ މެންބަރުގެ އާއިލީ މަސްލަހަތު އޮންނަ ކުންފުންޏަކުން ހިންގާ ދެ ތަނެއް.
ފުވައްމުލަކު އުތުރު ދާއިރާގެ މެމްބަރު ޙަމަދު ޢަބްދުﷲ. | ރައްޔިތުންގެ މަޖިލިސް
ފުވައްމުލަކު އުތުރު ދާއިރާގެ މެމްބަރު ޙަމަދު ޢަބްދުﷲގެ އާއިލީ މަސްލަހަތު އޮންނަ ކުންފުންޏަކުން ހިންގާ ދެ ރެސްޓޯރެންޓަކުން ކުލީގެ ގޮތުގައި ދައްކަން ޖެހޭ 1.1 މިލިއަނަށް ވުރެ ގިނަ ފައިސާ ނުދައްކާ ހުރިކަން ހާމަވެއްޖެ އެވެ.
މިކަން އެނގުނީ ފުވައްމުލަށް ކައުންސިލަށް އާރްޓީއައި މެދުވެރިކޮށް ހޯދަން އެދުނު މައުލޫމާތަކާއި ގުޅިގެން އެ ކައުންސިލްގެ އިންފޮމޭޝަން އޮފިސަރ ހުސައިން ނާސިހު ސޮއިކުރައްވާ ދެއްވާފައިވާ މައުލޫމާތުތަކުންނެވެ.
ރޯޔަލް ރެސްޓޯރެންޓުން 11.06.228ން 10.06.2028ގެ ނިޔަލަށް 575،798.34 ރުފިޔާ ނުދައްކާ އެބަ އޮތެވެ. އަދި ޕެބްލްސް އިން 28.01.2015ން 2030ގެ ނިޔަލަށް 593،850.67 ރުފިޔާ ނުދައްކާ އެބަ އޮތެވެ. އިކޮނޮމިކް މިނިސްޓްރީގެ ކުންފުނިތަކުގެ ރެޖިސްޓްރީ އާއި ގުޅޭ ލިޔެކިޔުންތަކުން ޕެބްލްސް ބައި ރޯޔަލްގެ ހިއްސާދާރެއްގެ ގޮތުގައި ހަމަދުﷲގެ އާއިލީ ގާތް މީހަކު ހިމެނެ އެވެ.
ފުވައްމުލައް ސިޓީގެ ތުނޑީގައި ހުންނަ ޕެބްލްސް ރެސްޓޯރެންޓާއި ބަނދަރުގައި ހުންނަ ރޯޔަލް ރެސްޓޯރެންޓޫން ޤަވާއިދުން ކުލި ދައްކަމުން ދާކަން ނުވަތަ ސާފުކޮށްދިނުމަށް އެ ސުވާލުގައި ވަނީ އެދިފަ އެވެ. އަދި ޤަވާއިދުން އެ ކުލީގެ ފައިސާ ނުދައްކާ ނަމަ، ނުދައްކާ އޮތީ ކޮން އަދަދެއްތޯ ވެސް ސުވާލުކޮށްފައި ވެ އެވެ. އެއީ ކިހާ މަސްދުވަހެއްގެ ފައިސާތޯ ވެސް ސުވާލުކޮށްފައި ވެ އެވެ. މި ދެ ތަނާއި އެކު ސިޓީ ކައުންސިލުން ވެފައިވާ އެއްބަސްވުމުގެ މުއްދަތު ހަނމަވާނީ ކޮން އިރަކުތޯ ވެސް ވަނީ ސުވާލުކޮށްފަ އެވެ.
ޖަވާބުގައި ފުވައްމުލައް ސިޓީ ކައުންސިލުން ބުނެފައި ވަނީ ގަވާއިދުން ނުދައްކާ ހުރި ފައިސާ އާއި މެދު މަޝްވަރާ ކޮށް ފައިސާ ދެއްކުމަށް 12 މަސް ދުވަހުގެ މުއްދަތެއް ދީފައިވާ ކަމަށެވެ. އަދި 12 މަސް ދުވަހުގެ ތެރޭގައި ނުދެއްކި ހުރި ފައިސާ ދެއްކުމަށް ސެޓްލްމެންޓް އެއްބަސްވުމެއް ވެފައިވާ ކަމަށް ވެސް އެ ކައުންސިލުން ވަނީ ބުނެފަ އެވެ. 25 ސެޕްޓެމްބަރު 2025 ވަނަ ދުވަހު ވީ އެއްބަސްވުމާއި އެއްގޮތަށް މިހާރު އެ ރެސްޓޯރެންޓްތަކުން ދަނީ ފައިސާ ދައްކަމުން ކަަމަށް ކައުންސިލުން ވަނީ ބުނެފަ އެވެ.
އިތުބާރު ހުރި މަސްދަރަކުން ރާއްޖެ ޓީވީ އަށް މައުލޫމާތު ދީފައިވާ ގޮތުގައި، މި ދެ ރެސްޓޯރެންޓުގެ ކަރަންޓު ބިލު ނުދައްކާ މައްސަލަ ވެސް މީގެ ކުރިން ފެންމަތިވެފައިވެ އެވެ. އަދި ބައެއް މުވައްޒަފުންނަށް މުސާރަ ދިނުމާއި، މުދަލުގެ މުއާމަލާތްތަކާއި ގުޅުން ހުރި މައްސަލަތަކެއް ވެސް ވަނީ ފެންމަތިވެފަ އެވެ.
