ވެރިކަމާއި މަޖިލިސް ދީގެން ރައްޔިތުންނަށް ވީކަމެއް ހަރާމުން ހަރާން: ހައުލަތު
އެމްޑީޕީ އަންހެނުން ރޫހުގެ މެންބަރު ހައުލަތު ވިދާޅުވީ ވެރިކަމާއި މަޖިލީހުގެ މެޖޯރިޓީ ދިނީމަ ވެސް ރައްޔިތުންނަށް ވީ އެއްވެސް ކަމެއް ނެތް ކަމަށެވެ. ހައުލަތު ވިދާޅުވީ، ހުރިހާ ބާރެއް ދީނީމަ ވެސް ރައްޔިތުން ޖެއްސީ ހާލުގައި ކަމަށާއި މުޅި ގައުމު ހަލާކުވެގެން މިދަނީ ހީނުކުރާހާ އަވަސް ކަމާއެކު ކަމަށެވެ. މީހަކު އަޅާ ފޭރާމަކުން، ލާ ހެދުމަކުން، ޖަހާ ސެންޓަކުން، އަރާ ބޫޓަކުން މީހެއްގެ ގޮތެއް ނޭންގޭނެ ކަމަށާއި އެމީހެއްގެ ގޮތް އިނގޭނީ އެއް އޮޑިއަށް އަރައި ދަތުރުކޮށްލައި ދަތުރުގައި އުޅެލަން ފެށީމަ ކަމަށް ހައުލަތު ވިދާޅުވި އެވެ.
އެމްޑީޕީ އަންހެނުން ރޫހުގެ މެންބަރު ހައުލަތު
ފެންނަމުން މިދަނީ އުންމީދު ކުރިވަރަށް ވުރެ މާ ބަނަ ދުވަސްތަކެއް ކަމަށާއި، ވެރިކަމާއި ރައްޔިތުން މަޖިލީހުގެ މެޖޯރިޓީ ދީގެން ވެސް ދިވެހި ރައްޔިތުންނަށް ވީ އެއްވެސް ކަމެއް ނެތް ކަމަށް އެމްޑީޕީ އަންހެނުން ރޫހުގެ މެންބަރު ހައުލަތު ވިދާޅުވެއްޖެ އެވެ.
އެމްޑީޕީ ހަރުގެ ޖަލްސާގައި ވާހަކަ ދައްކަވަމުން ހައުލަތު ވިދާޅުވީ، ހުރިހާ ބާރެއް ދީނީމަ ވެސް ރައްޔިތުން ޖެއްސީ ހާލުގައި ކަމަށާއި މުޅި ގައުމު ހަލާކުވެގެން މިދަނީ ހީނުކުރާހާ އަވަސް ކަމާއެކު ކަމަށެވެ. އަދި މިހާރު މިވަނި މީގެ ކުރިން ކުރި މަސައްކަތް އަނެއްކާވެސް ތަކުރާރު ކުރަން ޖެހިފައި ކަމަށާއި ރާއްޖޭގެ ހުރިހާ މުއައްސަސާތައް ގަޑުބަޑުކޮށް ރައީސުލްޖުމްހޫރިއްޔާ ގެ އަތްދަށަށް މުޅި ގައުމު ލަމުންދާ ވާހަކަ ދައްކަނީ އަލަށް ނޫން ކަމަށް ހައުލަތު ވިދާޅުވި އެވެ.
އަޅުގަނޑުމެން ގަބޫލުކުރަންޖެހޭ ހަގީގަތަކީ މާދަމާ ވެސް އަޅުގަނޑުމެން މި ކުރިމަތިލާ އިންތިހާބުގަ އަޅުގަނޑުމެންނަށް ހެދޭ ޅައެއްޗަކުން ދޮށީ އިހާ އޮއްވާ އަޅުގަނޑުމެންނަށް ޅަ އިހަލުން އެޅިއްޖެ ކަމުގަ ވަނަމަ ދެނެއް އެޔަކުން ކިރުފެލާނެ ހުންޏެއް ނުހުންނާނެ. އަޅުގަނޑުމެން އަބަދުވެސް ހަނދާން ކުރަންވީ އަޅުގަނޑުމެން ކުރަ ކޮންމެ ކަމެއްގެ ރައްދު އެންބުރި އަންނާނީ އަޅުގަނޑުމެންނާ ދިމާލަށްކަން އޭގަ ގޯހެއް ހެދިޔަސް ރަނގަޅެއް ހެދިޔަސް އެކަން ބަލައިގަންނަން ޖެހޭނީ އޭގެ ހިތި ފިލުވަން ތިބޭނީ ވެސް ހަމަ އަޅުގަނޑުމެންކަން. އޭގެ ހިއްޗާ އަރާމާ ބޭނުންކަމުގަ ވާނަމަ ހެޔޮގޮތުގަ ކުރަން ބޭނުން ކަމުގަ ވާނަމަ އަޅުގަނޑުމެން ޖެހޭނީ ޕީއެންސީ ނޫންގޮތެއް މިރާއްޖޭގެ ރަތްޔިތުން ހޯދަން
މީގެ އިތުރުން ހައުލަތު ވިދާޅުވީ، މީހަކު އަޅާ ފޭރާމަކުން، ލާ ހެދުމަކުން، ޖަހާ ސެންޓަކުން، އަރާ ބޫޓަކުން މީހެއްގެ ގޮތެއް ނޭންގޭނެ ކަމަށާއި އެމީހެއްގެ ގޮތް އިނގޭނީ އެއް އޮޑިއަށް އަރައި ދަތުރުކޮށްލައި ދަތުރުގައި އުޅެލަން ފެށީމަ ކަމަށެވެ. އަދި މިފަހަރު ކައުންސިލް އިންތިހާބު ގައި އެވަރު ނުވިސްނައިފި ނަމަ އަތު ނުވާނެ ކަން ފާހަގަ ކުރައްވާ ހައުލަތު ވިދާޅުވީ، މިފަހަރު ގެއަށް ވަންނާނީ ކައުންސިލް އިންތިހާބު ކާމިޔާބު ކޮށްގެން ކަމަށެވެ.
ހައުލަތު ވިދާޅުވީ އެމްޑީޕީ އަކީ ބާރު ހުރި ހިތްވަރު ހުރި ޕާޓީއެއް ކަމަށާއި އެޅިހާ ބަތަކަށް ރިހަ ވެގެން އެމްޑީޕީ ލީޑަރުން ނުތިބޭނެ ކަމަށެވެ. އަދި އެމްޑީޕީ ނޫނީ ރާއްޖޭގެ ރައްޔިތުންނަށް ހިދުމަތް ކޮށްދީ އެއްޗެއް ދެވޭނެ އެހެން ޕާޓި އެއް ނެތްކަމަށް ހައުލަތު ވިދާޅުވި އެވެ.
