ޖަންކްޝަން ފުރި މަގުމައްޗަށް ނަޖިސް ބޭރުވުމުން ގިނަބައެއްގެ ފާޑުކިއުން ސަރުކާރަށް
3 ސެޕްޓެމްބަރު 2017 | އާދީއްތަ 14:27ގިނަ ފާޑުކިއުން އަމާޒުވެފައިވަނީ ހައުސިންގ މިނިސްޓަރ ޑރ މުއިއްޒުއަށް
އޯކިޑް މަގު ޖަންކްޝަނެއް ފުރިގެން ނަޖިސް ބޭރުވަނީ
އޯކިޑް މަގު ސަރަހައްދެއްގައި ހުރި ޖަންކްޝަނެއް ފުރި މަގުމައްޗަށް ގިނަ ޢަދަދެއްގެ ނަޖިސްތައް ބޭރުވުމާއި ގުޅިގެން ގިނަ ބައެއްގެ ފާޑު ކިއު ސަރުކާރަށް އޮއްސާލައިފިއެވެ.
އެސަރަހައްދުގެ ފޮޓޯތަކާއި ވީޑިއޯ ތަކާއެކު ގަނަ ބަޔަކު ވަނީ ސޯޝަލް މީޑިޔާގައި ހިމެނޭ ފޭސްބުކާއި ޓްވިޓަރގައި އެމީހުންގެ ކޮމެންޓްތައް އަޕްލޯޑް ކޮށްފައެވެ. އެއްބަޔަކު ބުނީ މިއީ މިސަރުކާރުގެ ބޮޑު ތަރައްޤީކަމަށެވެ. އޭގެ ތެރެއިން އެކަކު ބުނީ މިއަދު މެންދުރު އޯކިޑް މަގުން ވަރަށް ބާރަށް ތަރައްޤީ ބޭރުވި ކަމަށެވެ. އަދި އޯކިޑްމަގުން ތަރައްޤީ އުތުރި އަރަނީ ކަމަށާއި މުއިއްޒުމެން ނެރެއް ކަނޑާލަން ރަނގަޅު ދިމާލެއް ކަމަށް ވެސް އެކަކު ބުނެފައިވެއެވެ.
ފާޑު ކިއުންތައް ބޮޑަށް އަމާޒުކޮށްފައި ހުރީ ސަރުކާރުގެ ތެއިން ހައުސިންގ މިނިސްޓަރ ޑރ މުހައްމަދު މުއިއްޒުއަށެވެ. ބައެއް މީހުން އޯކިޑްމަގު މުއިއްޒުވެފައޭވެސް ބުނެފައިވެއެވެ.
މީގެ ކުރިންވެސް ދޭތެރެ ދޭތެރެއިން މަގުމަތީ ޖަންކްޝަންތައް ފުރި މަގުމައްޗަށް ނަޖިސް ބޭރުވުން ފެންނަމުން ދެއެވެ. އަދި އެކަމުގެ ޝަކުވާ ރައްޔިތުން ދަނީ ކުރަމުންނެވެ.
