މައުމޫނުގެ ވެރިކަމަށްވުރެ މި ސަރުކާރުގެ ސިއްރު ބޮޑު: ޔައުގޫބު
ރައްޔިތުން ވެސް ގަބޫލުކުރީ ކުރީގެ ސަރުކާރުތަކަށްވުރެ ހާމަކަން ބޮޑު ގޮތެއްގައި ވެރިކަން ކުރައްވާނެ ކަމަށް
ރައްޔިތުންގެ މަޖިލީހުގެ ދާންދޫ ދާއިރާގެ ކުރީގެ މެމްބަރު ޔައުޤޫބު އަބުދުﷲ - ފައިލް
ރައީސް މައުމޫނުގެ ޒަމާނުގައި އޮތް މިންވަރަށްވުރެ ވެސް ބޮޑަށް މި ސަރުކާރުން ކަންކަން ސިއްރުކުރާ ކަމަށް ދާންދޫ ދާއިރާގެ ކުރީގެ މެންބަރު ޔައުގޫބު އަބްދުﷲ ވިދާޅުވެއްޖެއެވެ.
ރާއްޖެޓީވީގެ "ފަލަ ސުރުހީ" ޕްރޮގްރާމުގައި ވާހަކަދައްކަވަމުން ޔައުގޫބު ވިދާޅުވީ، ރައީސް މުޢިއްޒު ވެރިކަމަށް ވަޑައިގަތުމުގެ ކުރިން ކެމްޕޭނުގައި ވަޢުދުވެވަޑައިގެންނެވީ ހާމަކަން ބޮޑު ސަރުކާރެއް ގާއިމު ކުރައްވާނެ ކަމަށެވެ. އަދި ރައްޔިތުން ވެސް ގަބޫލުކުރީ ކުރީގެ ސަރުކާރުތަކަށްވުރެ ހާމަކަން ބޮޑު ގޮތެއްގައި ވެރިކަން ކުރައްވާނެ ކަމަށް ކަމަށް ޔައުގޫބު ވިދާޅުވިއެވެ.
ޔައުގޫބު ވިދާޅުވީ ރައްޔިތުން ޙަޤީޤަތުގައިވެސް ގަބޫލުކުރީ މި ސަރުކާރުން ވެރިކަން ކުރާއިރު، ކުރީގެ ސަރުކާރުތަކަށްވުރެ އެތައް ގުނައެއް ހާމަކަން ބޮޑު ގޮތެއްގައި ވެރިކަން ފެންނަ ގޮތަކަށް ވެރިކަން ކުރާނެ ކަމަށެވެ. ނަމަވެސް މިއަދު ފެންނަނީ މުޅިން އެހެން މަންޒަރެއް ކަމަށް ޔައުގޫބު ވިދާޅުވިއެވެ.
އެހެންނަމަވެސް، މިއަދު އަޅުގަނޑުމެންނަށް ދިވެހި ރައްޔިތުންނަށް ފެނިގެންދާ ޙަޤީޤަތަކީ ހުރިހާ ކަމެއް ހުރިހާ ކަމެއް، ރައީސް، މައުމޫނުގެ ޒަމާނުގައި އޮތް މިންވަރަށް ވުރެ ވެސް ބޮޑަށް ސިއްރުކުރަމުން، ސިއްރުކުރަމުން ގޮސް، ފާޅުގައި އަދި އެކަންކަން އެހެން އެގޮތަށް ސިއްރުކުރަމުން ދަނިކޮށް ފާޅު އާއްމުންނަށް ހާމަވެގެންދާއިރު ވެސް އެއަށް ވުރެ ވެސް ބޮޑަށް ސިއްރުކުރެވޭތޯ ބަލަމުންދާކަން މިހާރު މި ފެނިގެންދަނީ. މިސާލަކަށް ތި ފާހަގަކުރިހެން މަޖިލީހުގެ މަޖިލިސް މެންބަރަކު ވަޒީރަކާ ސުވާލުކުރަން ފޮނުވީމާ އެ ފޮނުވާ ދުވަހުން ފެށިގެން ސާދަ ދުވަސް ތެރޭގައި ވަޒީރު ޖަވާބުދާރީވާން ޖެހޭ. އަދި އެކަން އެޖެންޑާކުރަން އެއީ މަޖިލީހުގެ ރައީސަށް އޮތް ގާނޫނީ ޒިންމާއެއް އެއީ އަދި އެ މަޖިލީހުގެ ރައީސަކީ ސަރުކާރު ހިންގާ ޕާޓީއަށް ނިސްބަތްވާ ބޭފުޅެއްކަމުގައި ވިޔަސް އަދި ޕާޓީއެއް ހިންގާ ޕާޓީއަށް ނިސްބަތްވާ ބޭފުޅެއްކަމަށް ނުވިޔަސް އެކަން ކުރައްވަން ޖެހިވަޑައިގަންނަވާނެ.ދާންދޫ ދާއިރާގެ ކުރީގެ މެންބަރު ޔައުގޫބު އަބްދުﷲ
ޔައުގޫބް ވިދާޅުވީ މިއަދު ފެންނަން އޮތް ހަގީގަތެއް އެބައޮތް ކަމަށާއި އެއީ ރައީސް މުޢިއްޒު ރައްޔިތުންގެ މަޖިލީހުގެ މައްޗަށް އަމުރު ނެރުއްވާފައި އެތާ އޮންނަ ވަޓްސަޕް ގުރޫޕުގައި ސަރުކާރަށް ނިސްބަތްވާ އެއްވެސް ވަޒީރެއް ވެސް އަދި ކުންފުންޏެއްގެ އެއްވެސް ވެރިއެއް މަޖިލީހަށް އެއްވެސް ގޮތަކަށް ރައީސްގެ މުޢިއްޒުގެ ރުހުން ނެތި ހާޒިރުކޮށްގެންނުވާނެ ކަމަށެވެ. އެހެންނަމަވެސް، އެ އަމުރަކީ އެއީ ރައީސުލްޖުމްހޫރިއްޔާ ކުރެއްވޭނެ އަމުރެއް ނޫން ކަމަށާއި، ރައްޔިތުންގެ މަޖިލީހަކީ ވަކި މިނިވަން ބާރެއް އަދި ޚާއްޞަ ގޮތެއްގައި ރައްޔިތުންގެ މަޖިލީހަކީ ސަރުކާރަށް ފާރަވެރިވާން އޮންނަ ތަނެއް ނަމަވެސް މިއަދު ފެނިގެން ދަނީ، ރައްޔިތުންގެ މަޖިލީހަކީ ވެސް ރައީސް މުޢިއްޒުގެ މުށުތެރެއަށް ލައިގެން ހިންގަމުންދާ ކުޑަކުޑަ ޔުނިޓެއް ގޮތަށް ކަމަށް ޔައުގޫބު ވިދާޅުވިއެވެ.
އެހެންވީމާ، އޭގެ ނަތީޖާއަކީ މިއަދު ރައްޔިތުންގެ މަޖިލީހުގެ ރައްޔިތުންގެ ފަރާތުން ރައްޔިތުންގެ މަންދޫބުން ރައްޔިތުން ސާފުކުރަން ބޭނުންވާ ކަންކަން ސާފުކުރަން ސުވާލުތައް ހުށަހެޅީމަ އޭގެ ޖަވާބު ނުދީ ފިއްލަވައިގެން އުޅޭ މަންޒަރު. ދެން އެހިސާބަށް ދިޔައިމާ އަޅުގަނޑަށް ހީވަނީ މިއަދު އަޅުގަނޑުމެންނަށް ފެނުނީ އެމް.ޑީ.ޕީގެ ރައްޔިތުންގެ މަޖިލީހުގެ މެންބަރުންނާއި އަދި އެމް.ޑީ.ޕީގެ މެންބަރުން ފިނޭންސް މިނިސްޓްރީގެ ދަށަށް ދިޔަތަން. މާދަމާ އަޅުގަނޑުމެންނަށް ފެނިގެންދާނެ ޢާއްމު ރައްޔިތުންނާ ވެސް ދާ ތަން. އެއީ ޢާއްމު ރައްޔިތުން، މި ދައުލަތަށް، މި ދައުލަތުގެ މާލިއްޔާއަށް އަންނަ ބަދަލުތައް މި ވަނީ ކިހިނެއްކަން އެނގެން އެބަޖެހޭ. އެންމެންނަށް ވެސް އެނގޭ ޙަޤީޤަތަކީ، މިދިޔަ އަހަރު ވެސް، މި އަހަރު ވެސް ފަންސާސް ހަ ބިލިއަނުގެ ބަޖެޓެއް ފާސްކޮށްފައި، އެ ފައިސާ މިދިޔަ އަހަރު ވެސް އެ ބަޖެޓަށް ވީނުވީއެއް ނޭނގި، އެ ބަޖެޓް އޭގެ ޖަވާބުދާރީވީ، މިނިސްޓަރެއް ނެތް.ދާންދޫ ދާއިރާގެ ކުރީގެ މެންބަރު ޔައުގޫބު އަބްދުﷲ
ޔައުގޫބު ވިދާޅުވީ ރައީސުލްޖުމްހޫރިއްޔާއެއް އެއްވެސް ތަނެއް ޖަވާބުދާރީވީ ނުކުރެވެ ކަމަށެވެ. އަދި ސުވާލުތައް ފޮނުވީމާ އޭގެ ޖަވާބެއް ނުލިބޭ ކަމަށާއި، 56 ބިލިއަން ރުފިޔާ ހުސްވެއްޖެ ކަމަށެވެ. އަދި އާއްމު ގޮތެއްގައި އެކަހަލަ ކަންކަން އެގޮތަށް ދައުލަތުގެ މާލިއްޔާގައި ހުންނަ ފައިސާ ޚަރަދުކުރާއިރު، އޭގެ ޖަވާބުދާރީވާން ޖެހޭނެ ކަމަށެވެ.
