Advertisement
ކ. މާލެ
|
31 އޯގަސްޓް 2025 | އާދީއްތަ 13:44
މިނިވަން މުއައްސަސާ ކޮމެޓީން ބްރޯޑްކޮމްގެ މެންބަރުންނާއެކު ބޭއްވެވި ބައްދަލުކުރެއްވުމުގެ ތެރެއިން
މިނިވަން މުއައްސަސާ ކޮމެޓީން ބްރޯޑްކޮމްގެ މެންބަރުންނާއެކު ބޭއްވެވި ބައްދަލުކުރެއްވުމުގެ ތެރެއިން
ރާއްޖެއެމްވީ
މީޑީއާ ކޮންޓްރޯލް ކުރާ ބިލް
މީޑިއާ ކޮންޓްރޯލް ކުރާ ބިލަށް މަޝްވަރާކޮށްފައިނުވާތީ ކަންބޮޑުވުން ފާޅުކޮށް، ބިލަށް ތާއީދު ނުކުރާކަން ބްރޯޑްކޮމްއިން ހާމަކޮށްފި
ބްރޯޑްކޮމްއިން ވެސް މިކަމުގައި މަޝްވަރާކުރަން ތިން ސިޓީއެއް ފޮނުވާފައިވާނެ
ޑްރާފްޓިން ޕްރޮސަސްގައި އެމްއެމްސީ މެންބަރުންނާއި، ބްރޯޑްކާސްޓިން މެންބަރުންނާ ބައްދަލު ކުރުން މުހިންމު
މިހާރު ހުށަހަޅާފައިވާ ބިލުން ރަނގަޅު ނަތީޖާއެއް ނުނެރޭވޭނެ

މީޑިއާ ކޮންޓްރޯލް ކުރާ ބިލަށް އެއްވެސް ވަރަކަށް މަޝްވަރާކޮށްފައިނުވާ ކަމަށާއި، އެބިލަށް ތާއީދުނުކުރާކަން ބްރޯޑްކާސްޓިން ކޮމިޝަން (ބްރޯޑްކޮމް)އިން ހާމަކޮށްފި އެވެ.

އާދިއްތަ ދުވަހު ކުރިއަށް ގެންދިޔަ މިނިވަން މުއައްސަސާތަކުގެ ކޮމިޓީގައި ބްރޯޑްކޮމްގެ ރައީސް ސަފާ ޝަފީގު ވިދާޅުވީ މީޑީއާ ކޮންޓްރޯލް ކުރާ ބިލު ބަލާލުމަށް ލިބުނީ ދެތިން ދުވަސް ކަމާއި، މިފަދަ މުހިންމު ބިލެއް ރަނގަޅަށް ކިޔައި ދިރާސާކޮށްލުމަށް އެކަށީގެންވާ މިންވަރަށް ވަގުތު ނުލިބޭ ކަމަށެވެ.

މީޑިއާތައް ރެގިލޭޓް ކުރުމަށް ބިލެއް މުހިންމުކަން ފާހަގަކުރައްވައި ސަފާ ވިދާޅުވީ ނަމަވެސް މިކަހަލަ ބިލެއް ހެދުމުގެ ކުރިން ދިރާސާ ހެދުން މުހިންމު ކަމަށާއި، މިހާރުގެ ސަރުކާރުން ވެސް މިކަމަށް އިސްކަންދޭ ކަމަށެވެ. އަދި ކަމާގުޅޭ ފަރާތްތަކާ މަޝްވަރާނުކޮށް، އެއްވެސް ދިރާސާއެއް ކުރުމެއް ނެތި ހުށަހަޅާފައިވާތީ ކަންބޮޑުވާ ކަމަށް އޭނާ ވިދާޅުވި އެވެ.

ސަފާ ވިދާޅުވީ ބްރޯޑްކޮމްއިން ވެސް މިކަމުގައި މަޝްވަރާކުރަން ތިން ސިޓީއެއް ފޮނުވާފައިވާނެ ކަމަށާއި ނަމަވެސް، ބިލް ޑްރާފްޓްކުރުމުގައި އެ ކޮމިޝަންގެ ހިޔާލު އެއްވެސް މިންވަރަކަށް ހޯދާފައިނުވާ ކަމަށެވެ. ސަފާ ވިދާޅުވީ މިފަދަ ބިލެއް ހުށަހެޅުމުގެ ކުރިން ޑްރާފްޓިން ޕްރޮސަސްގައި އެމްއެމްސީ މެންބަރުންނާއި، ބްރޯޑްކާސްޓިން މެންބަރުންނާ ބައްދަލު ކުރުން މުހިންމު ކަމަށެވެ.

ހިޔާލުފާޅުކުރުމުގެ މިނިވަންކަމާ މީޑިއާ ގުޅިފައިވާކަން ފާހަގަކުރައްވައި ސަފާ ވިދާޅުވީ ރާއްޖޭން އެއްބަސްވެފައިވާ ބައިނަލްއަގުވާމީ މުއާހަދާތަކާ ފުށުއަރާ މިންވަރު ވެސް ބަލަންޖެހޭނެ ކަމަށެވެ. އަދި ރާއްޖެއަށް ބޭނުންވަނީ ސެލްފް ރެގިއުލޭޓްރީ ނިޒާމެއްތޯ ނޫނީ ކޯ ރެގިއުލޭޓްރީ ނިޒާމެއްތޯ ވެސް ބަލަން ދިރާސާއެއް ކުރަން ޖެހޭ ކަމަށާއި އެކަން ނުބަލައި ގާނޫނެއް ގެނަޔަސް އެއިން ނަތީޖާއެއް ނުނެރެވޭނެ ކަމަށެވެ. އަދި މިފަދަ ބިލެއްގައި ލީގަލް ކަންކަމަށް އިސްކަންދޭން ޖެހޭއިރު، އެފަދަ ކަމަކަށް ވެސް ބަލާފައިނުވާ ކަމަށް އޭނާ ވިދާޅުވިއެވެ.

މިސާލަކަށް ޖޫރިމަނާ ކުރާ ވާހަކަ. ނަންބަރު ނުދެންނެވިއަސް އެފަދަ ޑިޝިޝަން ނެގުމުގައި ވެސް ވަރަށް މުހިންމު މީޑިއާތަކަށް ލިބެނީ ކިހައި ވަރެއްގެ އިންކަމެއްތޯ ދެނެގަތުން އެނގޭތޯ. ދެން ހަމައެހެންމެ އިންޑިވިޖުއަލް ޖަރނަލިސްޓުންނަށް ލިބެނީ ކިހައި ވަރެއްގެ އިންކަމެއްތޯ. އެބޭފުޅުންގެ އެކަޑަމިކް ކޮލިފިކޭޝަންހުރީ ކިހާ ވަރަކަށްތޯ. ކިހާވަރަކަށް ކިޔަވައިގެން ތިބި ޖަރނަލިސްޓުންތޯ. ކިހައި ވަރަކަށް ކިޔަވައިގެން ތިބި ބޭފުޅުންތޯ މީޑިއާތަކުގައި މަސައްކަތް ކުރަނީ. އެބެލުން ވަރަށް މުުހިންމު. ކިހައިވަރަކަށްތޯ އެބޭފުޅުން ސެލްފް ޑިސިޕްލިންއީ. މިހުރިހާ ކަމެއް ދިރާސާއެއް ހަދައި ހޯދާ ބެލުން ވަރަށް މުހިންމު ކަމަށް އަޅުގަނޑު ގަބޫލުކުރަނީ ޑްރާފްޓިން ޕްރޮސަސްގައި ވެސް. މިބިލު ހުށަހެޅުމުގެ ކުރިން ވެސް.

ބްރޯޑްކޮމްގެ ރައީސް ސަފާ ޝަފީގު

ސަފާ ވިދާޅުވީ އިންޓަނޭޝަނަލް ބެސްޓް ޕްރެކްޓިސްގެ އިތުރުން، ބޭރުގެ ގައުމުތަކުގައި ކަންކަންކުރާ ގޮތް ބަލައި ރަނގަޅު ދިރާސާއެއް ހެދުމަށް ބިލެއް ހުށަހެޅުމުން އެބިލު މީޑިއާއިން ވެސް ބަލައިގަންނާނެ ކަމަށެވެ.

އެކަހަލަ ބިލެއް އައިސްފިއްޔާ އަޅުގަނޑު ޔަގީންކުރަން އޭތި މީޑިއާއަށް ވެސް ބަލައިގަންނަން ވަރަށް ފަސޭހަވާނެ. ވަރަށް ޕޮޒިޓިވް ރިވިއުސް ހަމަ ލިބޭނެއޭ. އޭތި ދެކޮޅަށް ވެސް ފައިދާވާނެ ކަމަށް އަޅުގަނޑު ދެކެނީ. ސްޓޭޓަސްވެސް ފައިދާވާނެ ހަމަ މީޑިއާގެ ބޭފުޅުންނަށް އޭތި ބަލައިގަންނަން ފަސޭހަވާނެ. އެ އިންޕްލިމެންޓް ކުރަން ވެސް ފަސޭހަވާނެ

ބްރޯޑްކޮމްގެ ރައީސް ސަފާ ޝަފީގު

މީޑިއާ ކޮންޓްރޯލް ކުރާ ބިލަށް ބްރޯޑްކޮމްގެ އެހެން މެންބަރުން ވެސް ވަނީ ދެކޮޅު ހައްދަވާފައެވެ. މިހާރު ހުށަހަޅާފައިވާ ބިލުން ރަނގަޅު ނަތީޖާއެއް ނުނެރޭވެނޭ ކަމަށާއި، އެ ބިލުގައި ހުރި ކަންކަން ތަންފީޒު ކުރެވިދާނެ ކަމާމެދު ވަނީ ސުވާލު އުފައްދާފައެވެ.

- ކޮމެންޓް