ދަތުރު ކުރަމުން ދިޔަ ޑެލްޓާ އެއަރލައިންސް ގެ ފްލައިޓެއް ގެ އިންޖީނެއް ގައި ރޯ ވެއްޖެ
ބޯޓު ގައި ރޯވެފައިވާ މަންޒަރު އާންމު ވެފައި ވާ އިރު، ވީޑިއޯ ފުޓޭޖުން ފެންނަނީ ބޯއިންގ 767-400 މަތިންދާ ބޯޓު ލޮސް އެންޖެލެސް ގެ މަތިން އުދުހެމުން ދަނިކޮށް، ވައަތް ފަރާތު އިންޖީނުން އަލިފާން ނުކުންނަ މަންޒަރު
އެޓްލާންޓާ އަށް ދަތުރު ކުރަމުން ދިޔަ ޑެލްޓާ އެއާލައިންސް ގެ ފްލައިޓެއްގެ އިންޖީނެއްގައި އަލިފާން ރޯވުމުން ކުއްލި ހާލަތުގައި ލޮސް އެންޖެލެސް ގައި ވަނީ ޖައްސާފައި
ޑެލްޓާ އެއަރލައިންސްގެ ފްލައިޓެއް އުދުހެމުން ދަނިކޮށް ބޯޓު ގެ އިންޖީނެއް ގައި ރޯ ވެއްޖެ އެވެ.
އިންޖީނު ގައި އަލިފާން ރޯވުމާ ގުޅިގެން ލޮސް އެންޖެލެސް އެއަރޕޯޓަށް ބޯޓު ވަނީ އަނބުރާ ޖައްސާފަ އެވެ.
ބޯޓު ގައި ރޯވެފައިވާ މަންޒަރު އާންމު ވެފައި ވާ އިރު، ވީޑިއޯ ފުޓޭޖުން ފެންނަނީ ބޯއިންގ 767-400 މަތިންދާ ބޯޓު ލޮސް އެންޖެލެސް ގެ މަތިން އުދުހެމުން ދަނިކޮށް، ވައަތް ފަރާތު އިންޖީނުން އަލިފާން ނުކުންނަ މަންޒަރެވެ.
އެޓްލާންޓާ އަށް ދަތުރު ކުރަމުން ދިޔަ މި މަތިންދާބޯޓު އެނބުރި އައިސް، އިމަރޖެންސީ ކޮށް ރަންވޭ ގައި ރައްކާތެރިކަމާއެކު ޖެއްސި އެވެ.
ޑެލްޓާ ފްލައިޓް 446 އަށް މި ހާދިސާ ދިމާވީ ރަންވޭ އިން ނައްޓާލިތާ ކުޑަ އިރުކޮޅެއްގެ ތެރޭގައި ކަމަށް އެ އެއަރލައިންގެ ތަރުޖަމާނެއް ބީބީސީ އަށް މަޢުލޫމާތު ދެމުން ބުނެފައި ވެއެވެ.
ހުކުރު ދުވަހު ހިނގި މި ހާދިސާ ގައި އިންޖީނު ގައި ރޯވި ސަބަބެއް އަދި ނޭނގޭ ކަމަށް އެއަރލައިން އިން ބުނެފައި ވެއެވެ.
