ހަމާސް އިން ބުނަނީ ދާއިމީ ކޮށް ހަނގުރާމަ ހުއްޓާލަން އެއްބަސް ނުވާ ނަމަ ވަގުތީ އެއްބަސްވުމަކަށް ނުދާނެ ކަމަށް
ހަމާސްގެ ހަތިޔާރު އެޅި ގޮފިން ބުނެފައި ވަނީ އެމީހުންގެ ހަނގުރާމަވެރިން ދިގު މުއްދަތެއްގެ ހަނގުރާމަ އަކަށް ތައްޔާރަށް ތިބި ކަމަށް
ޖުލައި 17، 2025 ގައި ޣައްޒާގެ ބުރެއިޖް ރެފިއުޖީ ކޭމްޕްގައި ހިންގާ އަބޫ ހިލޯ ސްކޫލަށް އަމާޒުކޮށްގެން ދިން އިސްރާއީލުގެ ވައިގެ ހަމަލާއަކަށް ފަހު އިމާރާތުން ބޯ ދުން އަރަނީ
ފަލަސްތީނުގެ ހަމާސް އިން ބުނަނީ ހިނގަމުންދާ މަޝްވަރާތަކުގައި ދާއިމީ ކޮށް ހަނގުރާމަ ހުއްޓާލުމުގެ އެއްބަސްވުމަކަށް ނާދެވިއްޖެނަމަ، ހަނގުރާމަ ހުއްޓާލުމުގެ ވަގުތީ އެއްބަސްވުމަކަށް ނުދާނެ ކަމަށެވެ.
ހަމާސްގެ ހަތިޔާރުއެޅި ގޮފީގެ ތަރުޖަމާނު ހުކުރު ދުވަހު ބުނެފައި ވަނީ ހިނގަމުންދާ މަޝްވަރާތަކުގައި ދާއިމީ ކޮށް ހަނގުރާމަ ހުއްޓާލުމުގެ އެއްބަސްވުމަކަށް ނާދެވިއްޖެ ނަމަ އެ ގްރޫޕުން ކުރިއަށް އޮތްތަނުގައި ވަގުތީ ގޮތުން ހަނގުރާމަ ހުއްޓާލުމަށް އެއްބަސް ނުވާނެ ކަމަށާއި، އަދި ދާއިމީ އެއްބަސް ވުމަކަށް ވާސިލު ވުމަށް އިސްރާއީލުން ދެކޮޅުހަދާ ކަމަށެވެ.
އަބޫ އުބައިދާ ޓީވީ މެދުވެރިކޮށް ވާހަކަ ދައްކަމުން ބުނެފައި ވަނީ ހަމާސް އިން ޣައްޒާ ގައި ހިފަހައްޓާފައިވާ ހުރިހާ ރަހީނުން ދޫކޮށްލުމަށާއި ހަނގުރާމަ ހުއްޓާލުމުގެ އެއްބަސްވުމަކަށް އާދެވޭތޯ ތަކުރާރުކޮށް ހުށަހަޅާފައި ކަމަށެވެ.
ފަލަސްތީނުގެ ހަމާސްގެ ހަތިޔާރުއެޅި ގޮފިން ތުހުމަތުކޮށްފައި ވަނީ ވަގުތީ ގޮތުން ހަނގުރާމަ ހުއްޓާލުމާއި ޣައްޒާ ގައި ހިފަހައްޓާފައިވާ ރަހީނުން ދޫކޮށްލުމާ ގުޅޭގޮތުން ކުރެވޭ މަޝްވަރާތަކުގައި އިސްރާއީލުން ހުރަސްއަޅާ ކަމަށެވެ.
އަބޫ އުބައިދާ ބުނެފައި ވަނީ ހަމާސް އިން "އަބަދުވެސް ހުށަހަޅަނީ ހުރިހާ ރަހީނުން އެއްފަހަރާ އަނބުރާ ގެންދިއުމުގެ ފުރިހަމަ އެއްބަސްވުމަކަށް" ދިއުމަށް ކަމަށެވެ.
ނަމަވެސް އޭނާ ބުނެފައި ވަނީ އިސްރާއީލުން "އެ މީހުން ހުށަހެޅި ކަންތައްތަކަށް އިންކާރުކޮށްފައިވާ" ކަމަށާއި، އެކަން އަލުން ވިސްނުމަށް އިސްރާއީލަށް ގޮވާލާފައިވެއެވެ.
އަނެއްކޮޅުން ޣައްޒާގެ ސިއްޙަތާ ބެހޭ މިނިސްޓްރީން ބުނެފައި ވަނީ "މިހާތަނަށް ފެނިފައިވާ ނުވާހާ ގިނަ" އަދަދަކަށް ބަނޑަށް ޖެހިފައިވާ ފަލަސްތީނުގެ ރައްޔިތުން، ހިޞާރުކުރެވިފައިވާ އެ ސަރަޙައްދުގެ ހޮސްޕިޓަލްތަކަށް ފަރުވާ އަށް އަންނަމުންދާ ކަމަށެވެ.
ޣައްޒާގައި ދުވަހުން ދުވަހަށް މަރުވާ މީހުންގެ އަދަދު އިތުރުވަމުން ދާއިރު، ހުކުރު ދުވަހު އިސްރާއީލުގެ ހަމަލާތަކުގައި މަދުވެގެން 35 މީހުން މަރުވެފައިވެއެވެ.
ހަމާސްގެ ހަތިޔާރު އެޅި ގޮފިން ބުނެފައި ވަނީ އެމީހުންގެ ހަނގުރާމަވެރިން ދިގު މުއްދަތެއްގެ ހަނގުރާމަ އަކަށް ތައްޔާރަށް ތިބިކަމަށެވެ.
