އަލް-ޤުދުސް ބްރިގޭޑްސް އިން އިސްރާއީލުގެ ޓޭންކަކަށް ދިން ހަމަލާގެ ވީޑިއޯ އެއް އާންމު ކޮށްފި
ގުދުސް ބްރިގޭޑްސް އިން ވަނީ އިސްރާއީލުގެ ޑްރޯން ތަކެއް ވެސް އަތުލައިގަނެފައި
ޣައްޒާ ގެ ބޯޑަރު ސަރަހައްދުގައި އިސްރާއީލުގެ ޓޭންކެއް ހަރަކާތްތެރިވަނީ - ޖޫން 3، 2025
ފަލަސްތީނުގެ އަލް-ޤުދުސް ބްރިގޭޑްސް އިން އިސްރާއީލުގެ ޓޭންކަކަށް ހަމަލާ ދީ އެ ޓޭންކް ގޮއްވާލައިފި އެވެ.
ފަލަސްތީނުގެ އިސްލާމިކް ޖިހާދުގެ ހަތިޔާރު އެޅި ގްރޫޕް ކަމުގައިވާ އަލް-ގުދުސް ބްރިގޭޑްސް އިން ވަނީ މި ހަމަލާގެ ވީޑިއޯ އެކްސް ގައި ޕޯސްޓް ކޮށްފައެވެ.
މި ވީޑިއޯ އިން ފެންނަނީ އެމީހުންގެ ހަނގުރާމަވެރިން، ދެކުނު ޣައްޒާގައި އިސްރާއީލުގެ ސިފައިން ފުނޑުފުނޑުކޮށްލާފައިވާ އިމާރާތެއްގެ ތެރޭގައި ފޮރުވިގެން ތިބެ ގޮވާ ތަކެތި ތައްޔާރު ކުރުމަށް ފަހު، އެތަނަށް އަންނަ އިސްރާއީލުގެ ޓޭންކެއް ގޮއްވާލާ މަންޒަރެވެ.
ސަރާޔާ އަލް-ޤުދުސް ނުވަތަ އަލް-ޤުދުސް ބްރިގޭޑްސް ގެ މި ވީޑިއޯ އިން އިތުރަށް ފެންނަނީ އިސްރާއީލީ ސިފައިންގެ ކުދި ޑްރޯންތަކެއް އެމީހުން ހިފާފައިވާ މަންޒަރެވެ. ބެލެވޭ ގޮތުގައި މިއީ ޖާސޫސް ކުރުމުގެ ބޭނުމުގައި އިސްރާއީލުން އުދުއްސާލާފައިވާ ޑްރޯން ތަކެކެވެ.
