އެއާރޕޯޓު ޑިއުޓީ ފްރީގައި މަސައްކަތް ކުރާ މުވައްޒަފުންނަށް ފޯނު ގެންގުޅުން މަނާކޮށް އެންގި އެންގުން ބާތިލްކޮށްފި
ވެލާނާ އިންޓަނޭޝަނަލް އެއާޕޯޓުގެ ޑިއުޓީ ފްރީގެ މުވައްޒަފުންނަށް ވަޒީފާގައި ހުންނަ ގަޑީގައި ފޯން ގެންގުޅުން މަނާކުރި ނޯޓިސް މިހާރު ވަނީ ބާތިލް ކޮށްފަ
އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފު: އެއާޕޯޓު ޑިއުޓީ ފްރީގެ މުވައްޒަފުން އެ ސަރަހައްދަށް ފޯނު ވެއްދުން މަނާކުރި ކުރުން ވަނީ ބާތިލް ކޮށްފަ
ވެލާނާ އިންޓަނޭޝަނަލް އެއާޕޯޓުގެ ޑިއުޓީ ފްރީގެ މުވައްޒަފުން، ވަޒީފާއަށް ނުކުންނައިރު ފޯނު ގެނައުން މަނާކޮށް ބުދަ ދުވަހު ފޮނުވި ނޯޓިސް ބާތިލު ކޮށްފި އެވެ.
އެމްއޭސީއެލް ޑިއުޓީ ފްރީގައި މަސައްކަތް ކުރާ މުވައްޒަފަކު ރާއްޖެ އެމްވީ އަށް ބުނީ ޑިއުޓީ ފްރީ މުވައްޒަފުން ތިބޭ ގްރޫޕުތަކަށް ފޯނު ގެނައުން މަނާކުރިކަން އަންގާ ބުދަ ދުވަހު ފޮނުވި ނޯޓިސް މިހާރު ވަނީ ބާތިލްކޮށްފައި ކަމަށެ އެވެ.
މި އުސޫލު ބާތިލުކޮށްފައި މިވަނީ މިކަމާ ގުޅިގެން ޑިއުޓީ ފްރީގައި މަސައްކަތްކުރާ މުވައްޒަފުން ކަންބޮޑުވުން ފާޅުކޮށްފައި ވަނިކޮށެވެ.
އެމްއޭސީއެލް އިން ކުއްލިއަކަށް ބުދަ ދުވަހު ފޮނުވި ނޯޓިހުގައި ބުނެފައިވަނީ ބުދަ ދުވަހުން ފެށިގެން ޑިއުޓީ ފްރީގެ ސޭލްސް ސްޓާފުން ޑިއުޓީ ގަޑީގައި މޯބައިލް ފޯނު ބޭނުން ނުކުރެވޭނޭ ކަމަށާއި ކޮންމެ ދްޓާފަކުވެސް ފޯނު ބާއްވަން ޖެހޭނީ ލޮކަރުގައި ކަމަށެވެ. ފޯނު ބޭނުން ކުރެވޭނީ ހަމައެކަނި ބްރޭކް ގަޑީގައި ލިބޭ ވަގުތުގައި ކަމަށް ވެސް އެ ނޯޓިސްގައި ބުނެފައިވެ އެވެ.
އެގޮތުން، ޑިއުޓީގައި ހުންނަ ގަޑީގައި ފޯނު ނެތުމުން އާއިލާ ގެ ހާލު ބެލުމަށާއި ދަރިންގެ ހާލު ބެލުމަށް ދަތިތައް ކުރިމަތިވާނެ ކަމަށާއި މިއީ އިންސާނީ ހައްގެއް ނިގުޅައިގަތުން ކަމަށް ބައެއް މުވައްޒަފުން ބުނެފައިވެ އެވެ. އެ މީހުން މި ޝުއޫރުތައް ފާޅުކޮށްފައިވަނީ ޑިއުޓީ ފްރީ މުވައްޒަފުންގެ ވައިބާ ކޮމިއުނިޓީ ގްރޫޕެއްގަ އެވެ.
ބައެއް މުވައްޒަފުން ވަނީ މިފަދަ ދަތިކަމެއްގައި މަސައްކަތް ނުކުރެވޭނެ ކަމަށް ބުނެ، އުސޫލު ބަދަލު ނުކުރާހާ ހިނދަކު ދެކޮޅަށް އަޑުއުފުލާނެ ކަމަށް ބުނެފަ އެވެ.
ޑިއުޓީފްރީގައި މަސައްކަތް ކުރާ މުވައްޒަފުންނަށް ފޯނު ގެންގުޅުން މަނާކޮށް ފޮނުވި ނޯޓިސްގައި ބުނެފައި ވަނީ އެގޮތަށް އަމަލުކުރުމަށް އަންގާފައި ނޯޓިސް ފޮނުވާފައި ވަނީ ބައިނަލްއަޤްވާމީ ގޮތުން ޕްރޮފެޝަނަލް މާހައުލެއް ޤާއިމު ކުރުމަށާއި ކަސްޓަރަމަރުންގެ މިންގަނޑުތަށް ދެމެހެއްޓުމަށް ކަމަށެވެ.
މިވަގުތު މަސައްކަތު ގަޑިތަކުގައި އަމިއްލަ މޯބައިލް ފޯނު ބޭނުންކުރުމާ ގުޅޭ ގޮތުން ރަސްމީ ސިޔާސަތެއް ނެތް ކަމަށް އެމްއޭސީއެލްއިން ވަނީ ބުނެފައެވެ.
އަދ ދެމެހެއްޓެނިވި ފޯކަސް އާއި އުފެއްދުންތެރިކަމާއި ޑިއުޓީގެ މަސައްކަތްތައް އޮމާންކަމާއެކު ކުރިއަށް ގެންދިއުމަށްޓަކައި މަސައްކަތު ގަޑިތަކުގައި އިޚްތިޔާރު ކުރުމާއި ޕާސަނަލް ފޯނު ބޭނުންކުރުން އެންމެ ކުޑަކުރުމަށް މުވައްޒަފުންނަށް ލަފާދޭ ކަމަށް އެކުންފުނިން ވަނީ ބުނެފައެވެ.
