އިރާނުގެ ނިއުކްލިއަރ ސައިޓް ތަކަށް އެމެރިކާ އިން ބޮން އެޅުމަށް ފަހު، މަޝްވަރާގެ މޭޒަށް އައުމަށާއި ނޫން ނަމަ ދެން ދޭ ހަމަލާތައް މާ ވަރުގަދަވާނެ ކަމަށް ވިދާޅުވެ އެމެރިކާގެ ރައީސް ޑޮނަލްޑް ޓްރަމްޕް އަނެއްކާ ވެސް އިތުރު އިންޒާރެއީރާނަށް ދެއްވައިފިއެވެ.

"އެމީހުން އެކަން ނުކޮށްފިނަމަ، ކުރިއަށް އޮތްތާނގައި އަންނާނެ ހަމަލާތައް މާ ބޮޑުވާނެ،" ޓްރަމްޕް ވިދާޅުވިއެވެ. "އަދި މާ ފަސޭހަވާނެ." ހަމަލާ އަށް ފަހު ގައުމާ މުޚާތަބު ކުރައްވާ ދެއްވި ކުރު ބަޔާނެއްގައި ޓްރަމްޕް ވިދާޅުވިއެވެ.

ޓްރަމްޕް ވިދާޅުވީ މި އޮޕަރޭޝަން ގާތްގަނޑަކަށް ނިމިފައިވާ ކަމަށެވެ. އެހެންނަމަވެސް އެއީ - އަދި ހަމައެކަނި - އިރާނު މަޝްވަރާގެ މޭޒަށް އަންނަ ނަމަ ކަމަށް ޓްރަމްޕް ވިދާޅުވިއެވެ.

އެމެރިކާގެ އަސްކަރީ ބޭސް ތަކާއި ގިނަ އަދަދެއްގެ ސިފައިން ހުޅަނގު އޭޝިޔާ ސަރަހައްދުގައި މިހާރުވެސް ގާއިމުވެ ތިބި އިރު، އޭގެ އިތުރުން އެމެރިކާ އިން ވަނީ އެ ސަރަހައްދަށް ގިނަ އަދަދެއްގެ އަސްކަރީ ވަސީލަތްތައް ގެނެސްފައެވެ.

އިރާނުގެ ނިއުކްލިއަރ ތަންތަނަށް ހަމަލާ ދިނުމަށް ފަހު ދެއްކެވި ކުރު ވާހަކަފުޅުގައި، ޓްރަމްޕް ވިދާޅުވީ މިހާރު "ސުލްހަ" އަށް ވަގުތު ޖެހިފައިވާ ކަމަށެވެ. އަދި އެމެރިކާގެ ހަމަލާ އަށް ތެހެރާނުން ރައްދު ދީފިނަމަ އިތުރު ހަމަލާތަކުގެ އިންޒާރު ދެއްވާފައިވެއެވެ.

މަސްރަހް ދިރާސާ ކުރާ ފަރާތްތަކުން ބުނާ ގޮތުގައި އިރާނަށް މިފަދަ ބޮޑު ހަމަލާއެއް ބަލައިގަތުމަކީ އުނދަގޫ ކަމަކަށް ވާނެއެވެ.

އެމެރިކާގެ ހަމަލާ އަށް ފަހު އީރާނުން ބުނެފައި ވަނީ ސަރަަހައްދުގައި ހުރި އެމެރިކާގެ ކޮންމެ މީހަކީ އަދި ކޮންމެ އަސްކަރީ މަރުކަޒަކީ ޓާގެޓެއް ކަމަށެވެ.