އެއަރ އިންޑިއާގެ ހާދިސާ އަކީ ބޯއިންގ 787 މަތިންދާބޯޓެއް ވެއްޓުނު ފުރަތަމަ ފަހަރު
މި ހާދިސާ އަކީ ކުންފުންޏަށް ކުރިމަތިވި އިތުރު ގޮންޖެހުމެއްގެ ގޮތުގައި ބެލެވެއެވެ. އެއީ ކުންފުނިން މިހާރުވެސް ވަނީ 737 ބޯޓު ފަހަރުގައި ދިމާވެފައިވާ އެކި މައްސަލަތަކާއި، މަރުވެފައިވާ މީހުން ހިމެނޭ ހާދިސާތަކާ ކުރިމަތި ލަމުންނެވެ.
އަހުމަދުއާބާދުގެ އެއާޕޯޓާ ކައިރި ހިސާބަކަށް 242 ފަސިންޖަރުންނާއެކު އެއާރ އިންޑިއާ ފްލައިޓް 171 ވެއްޓުނު ސަރަހައްދުގައި ރެސްކިއު އޮފިޝަލުން މަސައްކަތް ކުރަނީ - ޖޫން 12، 2025
އެއަރ އިންޑިއާގެ ހާދިސާ އަކީ ބޯއިންގ 787 މަތިންދާބޯޓެއް ވެއްޓުނު ފުރަތަމަ ފަހަރު ކަމަށް ރިޕޯޓުތައް ބުނެފިއެވެ.
ބޯއިންގ 787 މޮޑެލް ތަޢާރަފު ކުރެވުނު ފަހުން 14 އަހަރު ވެފައިވާއިރު، ޑްރީމްލައިނަރ ގެ ނަމުން މަޝްހޫރުވެފައިވާ މި މޮޑެލުގެ ބޯޓު ފަހަރުގައި އުފުލި ފަސިންޖަރުންގެ އަދަދު 1 ބިލިއަނަށް އަރާފައިވާ ކަމަށް މަތިންދާ ބޯޓު އުފެއްދި ކުންފުނިން އިއުލާނު ކުރީ މީގެ 14 ދުވަސް ކުރިންނެވެ.
އެ މުނާސަބަތު ފާހަގަ ކުރުމަށް ކުންފުނިން ބުނެފައިވަނީ ދުނިޔޭގައި އުދުހެމުންދާ 787 ފްލީޓްގައި ހިމެނޭ 1,175 އަށްވުރެ ގިނަ މަތިންދާބޯޓުން ގާތްގަނޑަކަށް 5 މިލިއަން ދަތުރު ކޮށްފައިވާ ކަމަށާއި، 30 މިލިއަނަށް ވުރެ ގިނަ ގަޑިއިރު އެ ފްލީޓުގެ ބޯޓުތައް އުދުހިފައިވާ ކަމަށެވެ.
މި ހާދިސާ އަކީ ކުންފުންޏަށް ކުރިމަތިވި އިތުރު ގޮންޖެހުމެއްގެ ގޮތުގައި ބެލެވެއެވެ. އެއީ ކުންފުނިން މިހާރުވެސް ވަނީ 737 ބޯޓު ފަހަރުގައި ދިމާވެފައިވާ އެކި މައްސަލަތަކާއި، މަރުވެފައިވާ މީހުން ހިމެނޭ ހާދިސާތަކާ ކުރިމަތި ލަމުންނެވެ.
މިއީ ސީއީއޯ ކެލީ އޯޓްބަރގް އޭނާގެ މަޤާމުގެ ފުރަތަމަ އަހަރު ފާހަގަ ކުރަން ކައިރިވަމުން ދާއިރު ކުރިމަތިވި އިތުރު ގޮންޖެހުމެއް ކަމަށް ބެލެވެއެވެ.
އޭނާ އެ މަޤާމަށް ގެނެވުނީ ކުންފުނީގެ މުސްތަޤުބަލާ މެދު ސުވާލު އުފެދެމުން ދިޔަ ދަނޑިވަޅެއްގައި ބޯއިންގ ކުންފުނީގެ މުސްތަގްބަލު ރަނގަޅު ކުރުމުގެ އުއްމީދުގައެވެ.
ކުންފުނިން ބުނެފައިވަނީ ވެއްޓުނު ބޯޓުގެ މައުލޫމާތު ލިބިފައިވާ ކަމަށާއި ވެއްޓުނު މަތިންދާބޯޓަކީ ބޯއިންގ 787 ޑްރީމްލައިނަރ އެއް ކަން އެނގޭ ކަމުގައެވެ. އިތުރު އެއްޗެއް ބުނެފައެއް ނުވެއެވެ.
