ތިން ރަން މެޑަލް ހޯދި ލައިބާ އަށް ހޫނު މަރުޙަބާއެއް

އާމޭނިއާގައި ކުރިއަށް ދިޔަ، އާމޭނިއަން ޔޫތު އޯޕަން 2025 ގައި ވާދަކޮށް ތިން ރަން މެޑަލް ހޯދި ރާއްޖޭގެ ޒުވާން ބެޑްމިންޓަން ކުޅުންތެރިޔާ ލައިބާ އަޙުމަދު މަޚްލޫފް (އެލީ) އަށް ހޫނު މަރުޙަބާއެއް ކިޔައިފި އެވެ.

މުބާރާތަށް ފަހު ލައިބާ ރާއްޖެ އައިސްފައި ވަނީ ހޯމަ ދުވަހުގެ މެންދުރު އެވެ. ވެލާނާ އިންޓަނޭޝަނަލް އެއާޕޯޓް އިން މަރުޙަބާ ކިޔާފައި ވަނީ ކުޅިވަރު ވުޒާރާގެ އިސްވެރިންނެވެ. މުބާރާތުގައި ލައިބާ ވަނީ ތާރީޚީ ކާމިޔާބެއް ހޯދައިފަ އެވެ.

އާރމޭނިއާގެ ވެރި ރަށް ޔެރަވަންގައި ކުރިއަށް ދިޔަ މުބާރާތުގައި ޖުމުލަ 92 ޤައުމަށް ވުރެ ގިނަ ޤައުމުގެ ކުޅުންތެރިން ވާދަކުރި އެވެ. މި މުބާރާތަކީ އުމުރުން 13 އަހަރާއި 15 އަހަރާ ދެމެދުގެ ކުޅުންތެރިންނަށް ޚާއްސަކޮށްގެން ބޭއްވި މުބާރާތެކެވެ.

ބައިނަލްއަޤުވާމީ މުބާރާތްތަކުގައި މީގެ ކުރިން ވެސް ވާދަކޮށް ރަނގަޅު ކާމިޔާބީތަކެއް ހޯދާފައިވާ ލައިބާ، މި މުބާރާތުގެ ތިން އިވެންޓެއްގައި ވާދަކުރި އެވެ. އެއީ 13 އަހަރުން ދަށުގެ ސިންގަލްސް އިވެންޓުގެ އިތުރުން، 13 އަހަރުން ދަށުގެ ޑަބަލްސް އިވެންޓު އަދި 13 އަހަރުން ދަށުގެ މިކްސް ޑަބަލްސް އިވެންޓުގަ އެވެ.

މުބާރާތުގެ ސިންގަލްސް، ޑަބަލްސް އަދި މިކްސް ޑަބަލްސް އިވެންޓުގެ ފައިނަލްގައި ލައިބާ ވަނީ ވާދަކޮށް، ލައިބާ ވަނީ ތިން އިވެންޓުން ވެސް ރަންް މެޑަލް ހޯދައިފަ އެވެ. މިއީ ޒުވާން އުމުރުފުރައިގެ ކުޅުންތެރިޔަކު ބައިނަލްއަޤުވާމީ މުބާރާތުން ހޯދި ފުރަތަމަ މެޑައްޔެވެ.

ލައިބާ އަންނަނީ ރާއްޖޭގައި އޮންނަ ބެޑްމިންޓަން މުބާރާތްތަކުގެ އިތުރުން، ބައިނަލްއަޤުވާމީ ބެޑްމިންޓަން މުބާރާތްތަކުގައި ވާދަކޮށް ރަނގަޅު ކާމިޔާބީތަކެއް ހޯދަމުންނެވެ. އެގޮތުން ބެޑްމިންޓަން ޔޫރަޕު ކަލަންޑަރުގައި ހިމެނޭ މުބާރާތްތަކުގައި ވާދަކޮށް ލައިބާ ވަނީ މިހާތަނަށް 23 މެޑަލް ހޯދައިފަ އެވެ. އެއީ ތިން ރަން މެޑަލް އަދި ފަސް ރިހި މެޑަލްގެ އިތުރުން، 15 ލޯ މެޑަލް އެވެ.