ހަމައެއާއެކު ސުވާލެއް ކުރީމަ އެފުރުސަތު ދެއްވާފައި ޖަލްސާވެސް އެނަކެއް ނުބާއްވާ މިގެންދަވަނީ. ބޭނުންވެގެން މިއުޅޭ ކަމަކީ ހަމައެކަނި ރައްޔިތުންގެ މަޖިލިސް ބޭނުންވަނީ އެމަނިކުފާނު ބޭނުންވާ ބާރެއް އަތްޕުޅުން ގެނައުމަށްޓަކައި. އިތުރު އެއްވެސް ކަމަކަށް ރައްޔިތުން މަޖިލީހުގެ ޖަލްސާއެއް ވެސް އެހެން ކަމެއް ވެސް ބާއްވާކަށް ބޭނުމެއް ނުވޭ. އެސަބަބަކީ ރައްޔިތުންނަށް ކަންކަން ތިލަވެގެންދާނެތީވެ އެވާހަކަ އިދިކޮޅު މެންބަރުން ދައްކަފާނެތީވެ އެޖާގަ ނުދިނުމަށް މަސައްކަތް ކުރުން. އެހެންވީމަ ރައްޔިތުންގެ މަޖިލީހުގެ ރައީސްއަށް ލިބިފައިވާ ބާރެއް ވެސް ނޫން އެއީ ރައްޔިތުން މަޖިލީހުގައި ކަނޑައެޅިފައި އޮތް އުސޫލުގެ މަތިން ހަފްތާއަކު 3 ދުވަހު ޖަލްސާ ބާއްވަންޖެހޭ. ޖަލްސާ ބާއްވާފައި އެޖަލްސާގައި އެޖެންޑާ ކުރެވޭނެ ކަންކަން ހުންނަންޖެހޭނެ. އެހެންނަމަވެސް އަޅުގަނޑުމެންނަށް މިފެންނަނީ ސީދާ ރައީސުލްޖުމްހޫރިއްޔާ އެޓާނީ ޖެނަރަލް ގުޅިވަޑައިގެން ރައްޔިތުންގެ މަޖިލިސް ވެސް ހުއްޓުވާލައްވައިގެން އެތަނުން ރައްޔިތުންނަށް ކަމެއް ސާފުވެދާނެ މަގު ނެތް ގޮތަށް އަމަލުކުރައްވާތަން.

ރައްޔިތުންގެ މަޖިލީހުގެ ދިއްދޫ ދާއިރާގެ ކުރީގެ މެމްބަރު އަބްދުﷲ ވަހީދު

ހަމައެކަނި ރައީސުލްޖުމްހޫރިއްޔާ ކުރައްވާ ކަމަކީ ގާނޫނު އަސާސީއަށް ބަދަލު ގެންނަވާގެން ގާނޫނުތަކަށް ބަދަލު ގެންނަވާގެން އެމަނިކުފާނަށް ބާރު ލިބޭނެ ގޮތް. މިއަދު އަޅުގަނޑުމެންނަށް އަޑު އިވިގެން މިދަނީ ދެވަނަ ދައުރެއް ހޯދުމަށްޓަކައި އަނެއްކާ ވެސް ގާނޫނު އަސާސީއަށް ބަދަލު ގެންނަވައިގެން ރިޔާސީ އިންތިޚާބުގެ ވޯޓުލުމަށްޓަކައި އެއްބުރުން ބާއްވައިގެން އެކަން ކުރައްވަން އުޅުއްވާތަން. ހަމަ ހުރިހާ މަސައްކަތެއް އަމާޒުވެގެން މިދަނީ ޑިކްޓޭޓަރަކަށް ބަދަލުވެ ވަޑައިގެން ރައްޔިތުންގެ ހުރިހާ ހައްގެއް ނަންގަވައިގެން އެކަންކަން ކުރުއްވަން އުޅުއްވާތަން. އެހެންވީމަ ދައުލަތުގެ ފައިސާއިން ތި ފާހަގަކުރި ގޮތަށް ބޮޑެތި ބޯޓުތަކާއި ޓޭންކަރުތައް ގެންނަވާއިރުގައި ބައްލަވާ ލޯނުުގެ ފައިސާގައި ކިޔަވަން ތިބި އެއްވެސް ކުއްޖަކަށް އެލޯނު ފައިސާ ނުލިބޭ. އާސަންދައިން ބޭސްފަރުވާއެއް ނުލިބޭ.

ރައްޔިތުންގެ މަޖިލީހުގެ ދިއްދޫ ދާއިރާގެ ކުރީގެ މެމްބަރު އަބްދުﷲ ވަހީދު