މި އަހަރަކީ ސްކޫލާއި ސްކޫލުގެ މާހައުލުން ބޭރުގައި ވެސް އުނގެނުމުގައި ކާމިޔާބު އަހަރަކަށްވާނެ ކަމަށް އުންމީދު ކުރަން: ރައީސް ސާލިހު
ހިތްވަރާއެކު ކާމިޔާބު ހޯދުމަށް ގަދައަޅައި މަސައްކަތް ކުރުމަށް ގޮވާލެއްވި
ކުރީގެ ރައީސް އިބްރާހިމް މުހައްމަދު ސާލިހު
މިއަހަރަކީ ދަރިވަރުންނަށް ސްކޫލާއި ސްކޫލުގެ މާހައުލުން ބޭރުގައި ވެސް އުނގެނުމުގައި ކާމިޔާބު އަހަރަކަށްވާނެ ކަމަށް އުންމީދު ކުރައްވާ ކަމަށް ކުރީގެ ރައީސް އިބްރާހިމް މުހައްމަދު ސާލިހު ވިދާޅުވެއްޖެ އެވެ.
ދިރާސީ އައު އަހަރުގެ ކިޔެވުން ފެށުމާ ގުޅިގެން، ދަރިވަރުންނަށް ތަހުނިޔާ ފޮނުއްވައި ރައީސް ސާލިހު ހިއްސާ ކުރެއްވި މެސެެޖެއްގައި ވިދާޅުވީ، ދިރާސީ އައު އަހަރުގެ ކިޔެވުން ފެށި، ރާއްޖޭގެ ހުރިހާ ދަރިވަރުން ސްކޫލަށް އަނބުރާ ދާއިރު، އުންމީދަކީ މި އަހަރަކީ ކާމިޔާބު އަހަރަކަށްވުން ކަމަށެވެ.
އެމަނިކުފާނު ވަނީ ސްކޫލު މާހައުލާއި، ސްކޫލުގެ މާހައުލުގެ ބޭރުން ވެސް ދަރިވަރުންގެ އުނގެނުމުގައި މި އަހަރަކީ ކާމިޔާބު އަހަރަކަށް ވާނެ ކަމަށް އުންމީދުކުރައްވާ ކަމަށް ވިދާޅުވެފައެވެ.
މީގެ އިތުރުން މި ސަރުކާރުގެ ނައިބު ރައީސް އަލްއުސްތާޒު ހުސައިން މުހައްމަދު ލަތީފް، ބެލެނިވެރިންނާއި، ދަރިވަރުންނަށް އަދި ޓީޗަރުންނަށް ތަހުނިޔާ ފޮނުއްވައި ވިދާޅުވީ ކާމިޔާބު ހޯދުމަށް ގަދައަޅަ މަސައްކަތް ކުރަންޖެހޭ ކަމަށެވެ. އަދި މިއަހަރަކީ ވެސް ދަރީންނަށް ހުރިހާ ގޮތަކުން ބާއްޖަވެރި އަދި ކާމިޔާބު އަހަރެއް ކަމުގައި ވާނެ ކަމަށް އުންމީދު ކުރައްވާ ކަމަށް ނައިބު ރައީސް ވިދާޅުވިއެވެ.
ދިރާސީ އައު އަހަރާއި ގުޅިގެން ކުރީގެ ނައިބު ރައީސް ފައިސަލް ނަސީމް ވެސް ވަނީ ތަހުނިޔާ ފޮނުއްވައި، ދިރާސީ އަހަރަކީ ހުރިހާ ގޮތަކުންވެސް ދަރިވަރުންނަށް ކާމިޔާބު އަހަރެއް ކަމުގައި ވާނޭ ކަމަށް އުއްމީދު ކުރައްވާ ކަމަށް ވިދާޅުވެފައެވެ.
އޭޕްރީލް މަހުގެ 7 ވަނަ ދުވަހު 90،000ށް ވުރެ ގިނަ ދަރިވަރުންނާއެކު ދިރާސީ އައު އަހަރުގެ ކިޔެވުން ފަށާފައިވާއިރު، ޑިސެމްބަރު މަހުގެ 25 ވަނަ ދުވަހަށް ދިރާސީ އަހަރުގެ ކިޔެވުން ނިންމައި، ޗުއްޓީއަށް ދާނެއެވެ. އެއަށްފަހު އައު ދިރާސީ އަހަރު ފަށާނީ 2026 ވަނަ އަހަރުގެ ޖަނަވަރީ 27 ގައެވެ.
