ކ. މާލެ
|
4 އޭޕްރިލް 2025 | ހުކުރު 23:29
ފުލުހުންގެ މައި އިދާރާ، ޝަހީދު ހުސައިން އާދަމް ބިލްޑިންގެ ބޭރުން ނަގާފައިވާ ފޮޓޯ އެއް
ފުލުހުންގެ މައި އިދާރާ، ޝަހީދު ހުސައިން އާދަމް ބިލްޑިންގެ ބޭރުން ނަގާފައިވާ ފޮޓޯ އެއް
ރާއްޖެއެމްވީ
ބަންދުގައި ހުރި މީހަކު އަމިއްލަ އަށް މަރުވާންއުޅުނ
ބަންދުގައި ހުރި މީހަކު އަމިއްލަަ އަށް މަރުވާން މަސައްކަތް ކޮށްފި
މިހާދިސާ ހިނގާފައިވާ ގޮތުގެ ތަހުގީގެއް ފުލުހުންގެ ޕްރޮފެޝަނަލް ސްޓޭންޑަރޑްސް ކޮމާންޑުން ޚާއްސަ އިސްކަމެއް ދީގެން ދަނީ ކުރިއަށް ގެންދަމުން ކަމަށް ފުލުހުން ވަނީ ބުނެފައި

ހދ.ކުޅުދުއްފުށީ ކަސްޓޯޑިއަލްގެ ބަންދުގައި ހުރި ދިވެއްސަކު އަމިއްލަަ އަށް މަރުވާން މަސައްކަތް ކޮށްފިއެވެ.

ފުލުހުން އާއްމު ކުރި ބަޔާނެއްގައި ބުނެފައި ވަނީ ހދ.ކުޅުދުއްފުށި ޕޮލިސް ކަސްޓޯޑިއަލްގެ ހައްޔަރުގައި ހުރި މީހަކު 04 އެޕްރިލް 2025 ވަނަ ދަވަހުގެ ރޭ 21:12 އެހާކަށްހާއިރު އަމިއްލަ އަށް މަރުވާން މަސައްކަތް ކޮށްފައިވާ ކަމަށެވެ. އަދި އޭނާ އަށް ކުޅުދުއްފުށީ ހޮސްޕިޓަލްގައި ފަރުވާދެމުންދާ ކަމަށް ފުލުހުން ވަނީ ބުނެފައެވެ.

އެ މީހާ އަކީ މަސްތުގެ ހާލަތުގައި ހުރެ ގޭގެ މުދަލަށް ގެއްލުން ދީ ހަމަނުޖެހުން ހިންގި މައްސަލައަކާއި ގުޅިގެން އެޕްރިލް 2 ވަނަ ދުވަހު ފުލުހުންގެ ބެލުމުގެ ދަށަށް ގޮސްފައިވާ މީހެއް ކަމަށް ފުލުހުން ވަނީ ބުނެފައެވެ. އެ ބަޔާނުން އެނގޭ ގޮތުން އޭނާ އަކީ 34 އަހަރުގެ ދިވެހި ފިރިހެނެކެވެ.

މި ހާދިސާ އާއި ގުޅިގެން އަޅަން ޖެހޭ ފިޔަވަޅުތައް އެޅުމާއި އެކު ހިއުމަން ރައިޓްސް ކޮމިޝަން އޮފް ދަ މޯލްޑިވްސް އާއި ނޭޝަނަލް އިންޓަގްރިޓީ ކޮމިޝަން އަށް މި ހާދިސާގެ މައުލޫމާތު ދީފައިވާނެ ކަމަށް އޭނާ ވަނީ ބުނެފައެވެ. އަދި އެ ހާދިސާގެ ތަހުގީގަށް މޭޖަރ ކްރައިމް އިންވެސްޓިގޭޝަންގެ ޓީމެއް ކުޅުދުއްފުއްޓަށް ފޮނުވުމަށް ނިންމާފައިވާ ކަމަށް ވެސް ފުލުހުންގެ ބަޔާނުގައި ވަނީ ބުނެފައެވެ.

މިހާދިސާ ހިނގާފައިވާ ގޮތުގެ ތަހުގީގެއް ފުލުހުންގެ ޕްރޮފެޝަނަލް ސްޓޭންޑަރޑްސް ކޮމާންޑުން ޚާއްސަ އިސްކަމެއް ދީގެން ދަނީ ކުރިއަށް ގެންދަމުން ކަމަށް ފުލުހުން ވަނީ ބުނެފައެވެ.

- ކޮމެންޓް