ރާއްޖެއާއެކު ކުރާ ވިޔަފާރީގެ މުއާމަލާތްތައް ދިވެހި ފައިސާއިން ހަމަޖެއްސުމުގެ ހުއްދަ ރިޒާވް ބޭންކް އޮފް އިންޑިއާ އިން ދީފި

ރާއްޖެއާއެކު ކުރާ ވިޔަފާރީގެ މުއާމަލާތްތައް ދިވެހި ފައިސާއިން ހަމަޖެއްސުމުގެ ހުއްދަ ރިޒާވް ބޭންކް އޮފް އިންޑިއާ އިން ދީފިއެވެ.

ރިޒާވް ބޭންކް އޮފް އިންޑިއާ (އާރުބީއައި) އިން ހޯމަ ދުވަހު ބުނީ އޭޝިއަން ކްލިއަރިން ޔޫނިއަން (އޭސީޔޫ) މެކޭނިޒަމްގެ އިތުރުން ރާއްޖެއާ އެކު ކުރާ ބައިލެޓަރަލް ޓްރޭޑް ޓްރާންސެކްޝަންތައް ވެސް އިންޑިއަން ރުޕީސް ނުވަތަ ދިވެހި ފައިސާ އިން ސެޓްލް ކުރެވިދާނެ ކަމަށެވެ.

އޭސީޔޫ އަކީ ނެޓް މަލްޓިލޭޓަރަލް އުސޫލުން ބައިވެރިވާ މަރުކަޒީ ބޭންކުތަކުގެ މެދުގައި އިންޓްރާ ރީޖަނަލް މުއާމަލާތްތަކަށް ފައިސާ ދެއްކުމުގެ އިންތިޒާމެކެވެ.

ބައިވެރިންގެ ތެރޭގައި މަރުކަޒީ ބޭންކުތަކާއި ބަންގްލަދޭޝް، ބެލަރޫސް، ބޫޓާން، އިންޑިއާ، އީރާން، ދިވެހިރާއްޖެ، މިޔަންމާ، ނޭޕާލް، ޕާކިސްތާން، އަދި ރާއްޖޭގެ މަރުކަޒީ ބޭންކު އެމްއެމްއޭ ހިމެނެއެވެ.

ދެ ގައުމުގެ މުއާމަލާތްތަކަށް ލޯކަލް ފައިސާ, އިންޑިއާ ރުފިޔާ (އައިއެންއާރު) އާއި ދިވެހި ފައިސާ (އެމްވީއާރު) ބޭނުންކުރުން ކުރިއެރުވުމަށް އޮނިގަނޑެއް ގާއިމްކުރުމަށް 2024 ވަނަ އަހަރުގެ ނޮވެމްބަރު މަހު އާރުބީއައި އާއި މޯލްޑިވްސް މަނިޓަރީ އޮތޯރިޓީއާ ދެމެދު އެއްބަސްވުމެއްގައި ސޮއިކޮށްފައިވެ އެވެ.

މެމޮރެންޑަމް އޮފް އަންޑަސްޓޭންޑިން (އެމްއޯޔޫ) ގައި ސޮއިކުރުމާ ގުޅިގެން މިހާތަނަށް ވެސް ނިންމާފައި ވަނީ ރާއްޖެއާ އެކު އިންޑިއާގެ ބައިލެޓަރަލް ޓްރޭޑް ޓްރާންސެކްޝަންތައް ވެސް އޭސީޔޫ މެކޭނިޒަމްގެ އިތުރުން އައިއެންއާރު އަދި/ނުވަތަ އެމްވީއާރު އިން ސެޓްލް ކުރެވިދާނެ ކަމަށް އާރުބީއައި އިން ނެރުނު ސާކިއުލާގައި ބުނެފައިވެ އެވެ.

އާރުބީއައި އިން އިތުރަށް ބުނީ މިކަމަށް ވަގުތުން އަމަލުކުރަން ފަށާނެ ކަމަށެވެ.