ރައްޔަތުންގެ މަޖިލީހަށް ސިފައިން ވަތް މައްސަލަ އިންޓަރ ޕާލިމެންޓަރީ ޔޫނިއަން (އައިޕީޔޫ) އިން ކުށްވެރިކޮށްފިއެވެ.
އައިޕީޔޫގެ ސެކެޓްރީ ޖެނެރަލް މާޓިން ޗުންގޮން ކުރެއްވި ޓުވީޓެއްޓެއްގައި ވިދާޅުވީ، ރާއްޖޭގެ ރައްޔިތުންގެ މަޖިލީހަށް ސިފައިން ވަތް މައްސަލަ އައިޕީޔޫ ޕީޑީޓީ އަދި އެމަނިކުފާނުވެސް ކުށްވެރިކުރައްވާ ކަމަށެވެ.
IPU Pdt and I strongly condemn reported military interference with parliament in Maldives
— MartinChungong (@MartinChungong) August 22, 2017
ދުނިޔޭގެ ގައުމުތަކުގެ ގާނޫނު ހަދާ މަޖިލީހުގެ މެމްބަރުން ތަމްސީލު ކުރާ މައި ޖަމިއްޔާއިން މިކަން ކުށްވެރިކޮށްފައިވާއިރު، ދިވެހި ސިފައިން ދަނީ ރައްޔިތުންގެ މަޖިލީހަށް އެމަޖިލީހުގެ މެންބަރުން ވަދެވަޑައިގަތުމަށް ހުރަސްއަޅައި، ޤާނޫނާއި ޚިލާފަށް މަޖިލީހުގެ ޖަލްސާތައް ހިނގާ ވަގުތު މަޖިލީހުގެ ތަޅުމުގައި ހަރަކާތްތެރިވަމުންނެވެ.
މަޖިލީހަށް ސިފައިން ވަތް މައްސަލަ އައިޕީޔޫއިން ކުށްވެރިކޮށްފައިވާއިރު، ރައްޔިތުންގެ މަޖިލީހާމެދު ކަންކުރަމުންދާ ގޮތާއިމެދު އެ ޖަމުޢިއްޔާއިން ދާދިފަހުންވެސް ވަނީ ކަންބޮޑުވުން ފާޅުކޮށްފައެވެ. އެގޮތުން އެފަހަރު އައިޕީޔޫ އިން ވަނީ މަޖިލީހުގެ ނަޒާހަތްތެރިކަން ދެމެހެއްޓުމަށްވެސް ގޮވާލާފައެވެ.