ޣައްޒާ ހަނގުރާމަ ހުއްޓާލަން އެއްބަސްވުމުން ނަތަންޔާހޫގެ ކެބިނެޓްގައި ހިމެނޭ ހައްދުފަހަނަ އެޅި ގައުމީ ސަލާމަތާ ބެހޭ ވަޒީރު އިސްތިއުފާ ދީފި
އޭނާގެ ޤައުމިއްޔަތާއި ޔަހޫދީ ދީނީ ފިކުރުގެ ޕާޓީގެ އިތުރު ދެ ވަޒީރަކު، ކެބިނެޓުން ވަކި ވުމުގެ އިތުރުން، އެ ޕާޓީވެސް ވަނީ ވެރިކަން ހިންގާ ކޯލިޝަން އާ ވަކިވެފައި.
އިޓަމާ ބެން-ގްވީރު - އިސްރާއީލުގެ ހައްދުފަހަނަ އެޅި ގައުމީ ސަލާމަތާ ބެހޭ ވަޒީރު
އިސްރާއީލުގެ ގައުމީ ސަލާމަތާ ބެހޭ ވަޒީރު އިޓަމާ ބެން-ގްވީރު ޣައްޒާގެ ހަނގުރާމަ ހުއްޓާލުމުގެ އެއްބަސްވުމާ ގުޅިގެން ސަރުކާރުން ވަކިވެއްޖެއެވެ.
އިސްރާއީލުގެ ހަރުކަށި ޤައުމީ ސަލާމަތާ ބެހޭ ވަޒީރު އިޓަމާ ބެން-ގްވީރު އަދި އޭނާގެ ޤައުމިއްޔަތާއި ޔަހޫދީ ދީނީ ފިކުރުގެ ޕާޓީގެ އިތުރު ދެ ވަޒީރަކު، ޣައްޒާގެ ހަނގުރާމަ ހުއްޓާލުމުގެ އެއްބަސްވުމާ ގުޅިގެން ނަތަންޔާހޫގެ ކެބިނެޓުން އިސްތިއުފާ ދީފިކަމަށް އެމީހުންގެ ޕާޓީން އާދީއްތަ ދުވަހު ބުނެފިއެވެ.
އޮޒްމާ ޔަހުދިތް ޕާޓީ އަކީ މިހާރު ވެރިކަން ކުރާ އިއްތިހާދުގެ ބައިވެރިއެއް ނޫން ކަމަށް އެ ޕާޓީން ނެރުނު ބަޔާނެއްގައި ބުނެފައިވެއެވެ. ނަމަވެސް އެ ޕާޓީން ބުނެފައިވަނީ ނަތަންޔާހޫގެ ސަރުކާރު ވައްޓާލަން މަސައްކަތް ނުކުރާނެ ކަމަށެވެ.
ކުރިން ކަނޑައެޅިފައިވާ ސުންގަޑިއަށް ވުރެ 3 ގަޑިއިރު ފަހުން، ޣައްޒާގެ ހަނގުރާމަ ހުއްޓާލުމުގެ އެއްބަސްވުން ތަންފީޒު ކުރަން އާދިއްތަ ދުވަހު ވަނީ ފަށާފައެވެ.
