މެމްބަރުންނާއި ސަރުކާރުގެ ބައެއް އިސް ފަރާތްތަކަށް އުސޫލާއި ޚިލާފަށް ބިން ވިއްކި މައްސަލަ އަދި ބަލަން ނުފަށާކަން ހާމަވެއްޖެ
މެމްބަރުންނަށް އުސޫލާއި ޚިލާފަށް ވިއްކި މައްސަލައިގައި އެޗްޑީސީން އޮތީ ހަނު
ހުޅުމާލެ ބީޗް ފްރަންޓުން ދޫކުރާ ބިންތައް
ރައްޔިތުންގެ މަޖިލީހުގެ ޕީއެންސީގެ ބައެެއް މެންބަރުންނާއި މި ސަރުކާރުގެ ބައެއް އިސް ފަރާތްތަކަށް އުސޫލާއި ޚިލާފަށް ބިން ވިއްކި މައްސަލަ އަދި ބަލަން ނުފަށާކަން ހާމަވެއްޖެއެވެ.
ސަރުކާރުގެ ބައެއް މެމްބަރުންނާއި އިސް ފަރާތްތަކަށް ބިންތައް ދިން ކަމަށް ތުހުމަތުކޮށް ބައެއް ލިޔެކިޔުންތައް މީސްމީޑިއާގައި ވެސް ވަނީ ދައުރުވެފައެވެ. އިއުލާނު ކުރުމެއް ނެތި ވިއްކާލި މި ބިންތަކުގެ މައްސަލަ ފަޅާ އަރާފައި މި ވަނީ އެޗްޑީސީގެ އިތުރު ކޮރަޕްޝަންގެ މައްސަލަތަކެއް ވެސް ފެންމަތިވެފައިވާ ދަނޑިވަޅެއްގައެވެ. އެގޮތުން ހައުސިން ޑެވެލޮޕްމެންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދުގެ ބޭބެ، އެމްޑަބްލިޔުއެސްސީގެ ޑެޕިއުޓީ މެނޭޖިން ޑިރެކްޓަރު މުޙައްމަދު ފަޒީލް ރަޝީދު އަށް ވަގަށް ގޯއްޗެއް ދިން މައްސަލަ ފެންމަތިވެ އެ މައްސަލަ ފުލުހުން ދަނީ ބަލަމުންނެވެ.
ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމެއްގައި ނޫސްވެރިން ވަނީ އެ މައްސަލަ ބަލަމުންދޭތޯ ސުވާލުކޮށްފައެވެ. ޖަވާބުގައި ފުލުހުން ބުނީ މިވަގުތު ބަލަމުން ދަނީ ހައުސިން ޑެވެލޮޕްމެންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދުގެ ބޭބެ، އެމްޑަބްލިޔުއެސްސީގެ ޑެޕިއުޓީ މެނޭޖިން ޑިރެކްޓަރު މުޙައްމަދު ފަޒީލް ރަޝީދު އާއި އެހެން ބައެއް މީހުންނަށް ގޯތި ދިން މައްސަލަ އާއި ގުޅޭ ލިޔެކިޔުންތަކުގެ މައްސަލަ ކަމަށެވެ. އަދި ކުރިއަށް އޮތްތަނުގައި އެ މައްސަލަ އިތުރަށް ފުޅާކޮށް ބަލާނެ ކަމަށް ފާހަގަކޮށްފައިވެއެވެ.
ފުލުހުން ބުނިގޮތުގައި އެޗްޑީސީގެ ގޯތީގެ ޚިޔާނާތުގެ މައްސަލަ ބަަލަން ފެށީ ފުލުހުންގެ އަމިއްލަ އިސްނެގުމަށެވެ. އެ މައްސަލަ ބަލަން ނިންމީ މީސްމީޑިއާގައި މައްސަލަ ފެންމަތިވުމުން ކަމަށް ވަނީ ބުނެފައެވެ. އެހެންކަމަށް ވުމާއި އެކު ސަރުކާރަށް ނިސްބަތްވާ ބައެއް މީހުންނަށް އުސޫލާއި ޚިލާފަށް ބިން ވިއްކި މައްސަލަ މީސްމީޑިއާއަށް ތިލަވުމުން އެކަން ނުބަލާ ސަބަބާއި މެދު ނޫސްވެރިން ކުރި ސުވާލުތަކަށް ފުލުހުންނަށް އެކަށީގެންވާ ޖަވާބެއް ދެވިފައެއް ނުވެއެވެ.
މީސް މީޑިއާގައި ދައުރުވަމުންދާ ލިޔުންތަކުން އެނގޭ ގޮތުން ސަރުކާރުގެ ވެރިންނަށް ހުޅުމާލޭ ފޭސް 2 ގެ ބީޗް ފްރޮންޓުން ބިންތަކެއް ވިއްކާފައި ވަނީ އަކަފޫޓެއް 3000ރ. ރޭޓުންނެވެ. މީގެ އިތުރުން ހުޅުމާލޭ ބީޗް ފްރޮންޓުން އަކަފޫޓެއް 9000ރ. ރޭޓުން ގަތުމަށް ކުރިން ހުށަހަޅާފައި ހުރިކަން އެ މައުލޫމާތުތަކުން އެނގެއެވެ. މީގެ އިތުރުން މެމްބަރުންނަށް އުސޫލާއި ޚިލާފަށް ވިއްކި މައްސަލައިގައި އެޗްޑީސީން އޮތީ ހަނުކަން ފާހަގަކޮށްލެވެއެވެ.
