ރިފޯމް ކޮމިޝަނަރުގެ މަޤާމަށް އަސްމާ ޝަފީޢު
ފިނޭންސް މިނިސްޓަރަށް ރިޕޯޓު ކުރާ ގޮތައް އުފައްދާފައިވާ ރީފޯމް ކޮމިޝަނަރުގެ މަޤާމަކީ ސަރުކާރުން އުފައްދާފައިވާ ރީފޯމްއޮފީހުގެ އެންމެ އިސް މަގާމު
އަސްމާ ޝަފީއު (ކ)
އަލަށް އުފެއްދި ރިފޯމް ކޮމިޝަނަރު މަޤާމަށް އަސްމާ ޝަފީއު ފިނޭންސް މިނިސްޓްރީން އައްޔަން ކޮށްފިއެވެ.
އަސްމާ އެންމެ ފަހުން އަދާ ކުރެއްވީ ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަން ގެ މަގާމުގައެވެ.
ފިނޭންސް މިނިސްޓަރަށް ރިޕޯޓު ކުރާ ގޮތައް އުފައްދާފައިވާ ރީފޯމް ކޮމިޝަނަރުގެ މަޤާމަކީ ސަރުކާރުން އުފައްދާފައިވާ ރީފޯމްއޮފީހުގެ އެންމެ އިސް މަގާމެވެ.
އެ އޮފީހަކީ ދައުލަތު މާލީ ކަންކަން ހަރުދަނާކޮށް، ޚަރަދުކުޑަކޮށް، އާމްދަނީ އިތުރުކުރުމަށް ގެންނަން ނިންމާފައިވާ އިސްލާހީ ބަދަލުތައް ތަންފީޒު ކުރުމުގެ މަސައްކަތް ކުރަން އުފެއްދި އޮފީހެއް ކަމަށް ސަރުކާރުން ބުނެފައިވެއެވެ.
އަސްމާ އަކީ މީރާގައި 2010 ވަނަ އަހަރުން ފެށިގެން ޚިދުމަތް ކުރައްވާފައިވާ ފަރާތެކެވެ. އެންމެ ފަހުން މީރާ ގައި އަސްމާ އަދާ ކުރެއްވި ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމުގެ ދައުރު މިދިޔަ އޮކްޓޯބަރ މަހު ވަނީ ހަމަވެފައެވެ.
