ބޭންކް އޮފް މޯލްޑިވްސްގެ ޗީފް ބިޒްނަސް އޮފިސަރ ގެ މަގާމަށް މޫސާ ނިމާލް
2 ޑިސެމްބަރު 2024 | ހޯމަ 15:57ބީއެމްއެލް އަށް ގިނަ ރޮނގުތަކަކުން ދިގު މައްދަތަކަށް ޚިދުމަތް ކުރައްވާފައިވާ ނިމާލު ސީބީއޯގެ މަގާމަށް އަލަށް އައްޔަން ކުރި އިރު ނިމާލް އެ ބޭންކުގައި ޚިދުމަތް ކުރައްވަން ފައްޓަވާފައިވަނީ 2003 ވަނަ އަހަރުއެވެ.
މޫސާ ނިމާލް، ޗީފް ބިޒްނަސް އޮފިސަރ
ބޭންކް އޮފް މޯލްޑިވްސް (ބީއެމްއެލް) ގެ ޗީފް ބިޒްނަސް އޮފިސަރ (ސީބީއޯ) ގެ މަގާމަށް މޫސާ ނިމާލް އައްޔަން ކޮށްފިއެވެ.
ބީއެމްއެލް އަށް ގިނަ ރޮނގުތަކަކުން ދިގު މައްދަތަކަށް ޚިދުމަތް ކުރައްވާފައިވާ ނިމާލު ސީބީއޯގެ މަގާމަށް އަލަށް އައްޔަން ކުރި އިރު ނިމާލް އެ ބޭންކުގައި ޚިދުމަތް ކުރައްވަން ފައްޓަވާފައިވަނީ 2003 ވަނަ އަހަރުއެވެ.
ނިމާލު ބޭންކުގައި ފުރަތަމަ އަދާކުރެއްވި ވަޒީފާ އަކީ މައި ގޮފީގައި އެސިސްޓެންޓެއްގެ މަގާމެވެ.
މިދިޔަ ދިގު މުއްދަތުގައި ބީއެމްއެލް ގައި ނިމާލް ވަނީ ފާހަގަކޮށްލެވޭ ތަޖުރިބާ ތަކެއް ހޯއްދަވާފައެވެ. މީގެ ތެރޭގައި ބޭންކުގެ މުހިންމު ޑިޕާޓްތަކާއި ގޮފިތައް ހިންގެވުމާއި، ކަސްޓަމަރ ސަރވިސްއާއި، އިންޓަނޭޝަނަލް ބޭންކިންގއާއި، ރީޓެއިލް ބޭންކިންގ ފަދަ ދާއިރާތަކުން އޭނާ ވަނީ ތަޖުރިބާ ހޯއްދަވާފައެވެ. އަދި މީގެ އިތުރުން ބޭންކުގައި ހިންގާފައިވާ ގިނަ އިސްލާހީ މަސައްކަތްތަކުގައިވެސް އޭނާ ވަނީ މުހިންމު ދައުރެއް އަދާކުރައްވާފައެވެ. ސީބީއޯގެ މަޤާމަށް ޢައްޔަންކުރުމުގެ ކުރިން، ނިމާލް ފުރުއްވަމުން ގެންދެވީ ރީޓެއިލް، ބިޒްނަސް އެންޑް އެސްއެމްއީ ބޭންކިންގގެ ޑިރެކްޓަރުގެ މަޤާމެވެ.
ނިމާލް ވަނީ ސައުތު އޮސްޓްރޭލިއާ ޔުނިވަރސިޓީން ބެޗެލަރ އޮފް ކޮމާސް އިން އެކައުންޓިންގ އެންޑް އެޕްލައިޑް ފައިނޭންސް ހާސިލު ކުރައްވާފައެވެ. އަދި އޭޝިއަން އިންސްޓިޓިއުޓް އޮފް ޗާޓަޑް ބޭންކަރސްގެ އެފިލިއޭޓް މެމްބަރެއްގެ ގޮތުން ޕްރޮފެޝަނަލް ބޭންކަރ ކޮލިފިކޭޝަން ވެސް އޭނާ ވަނީ ހާސިލުކުރައްވާފައެވެ.
